Savxan Əliyevdən, Bakı, Azərbaycan

Hörmətli cənab Prezident,

Sizi 2024 cü il fevralın 7-də ölkəmizdə keçirilmiş növbədənkənar prezident seçkilərində qazandığınız inamlı qələbə münasibətilə səmimi-qəlbdən təbrik edirəm. Seçkilərdə ailəmlə birlikdə Sizə səs vermişik.

Cənab Prezident, respublikamıza rəhbərlik etdiyiniz son iyirmi il ərzində ölkəmiz böyük inkişafı yolu keçmiş, tarixi nailiyyətlər əldə edilərək ərazi bütövlüyümüz təmin olunmuşdur. Sizin rəhbərliyinizlə ölkəmizdə yeni infrastruktur layihələri icra olunmuş, ölkəmizin tərəqqisi və xalqımızın rifah halının yaxşılaşdırılması istiqamətində qətiyyətli addımlar atılmışdır. Əlbəttə, xalqımız bunu görür və gördüyünüz işlərdən çox razıdır. Sizi sevirik və dəstəkləyirik.

Qarabağımızda artıq barıt iyi yox, xarıbülbül ətri, kəklik, qırqovul səsi gəlir. Torpaqlarımız uğrunda ölən şəhidlərimizin analarının qarşısında baş əyirəm. Qazilərimizə Allah cansağlığı versin!

Cənab Prezident, fürsətdən istifadə edərək, Sizə möhkəm cansağlığı, uzun ömür, gələcək fəaliyyətinizdə yeni-yeni uğurlar diləyirəm. Qarşıdan gələn Novruz Bayramı münasibətilə təbrik edir, ailə səadəti arzulayıram.

Hörmətlə,

Savxan Əliyev.

Azərbaycan Respublikası, Bakı şəhəri.