Elvin Məmmədzadədən, Bakı, Azərbaycan

Möhtərəm Prezident, cənab Ali Baş Komandan,

Sizi növbədənkənar prezident seçkilərində qazandığınız qələbə münasibətilə təbrik edirəm. 2024-cü il fevralın 7-si Azərbaycan xalqının tarixində ən əlamətdar günlərdən biri kimi qalacaq. Sizin sayənizdə ərazi bütövlüyü, suverenliyi bərpa edilmiş Azərbaycanda həmin gün ilk dəfə olaraq seçkilər keçirildi. İnanıram ki, bu, hər bir vətəndaşımız üçün olduqca qürurvericidir.

Siz Ulu Öndərimiz Heydər Əliyevin siyasətini layiqincə davam etdirərək Azərbaycanı qüdrətli dövlətə çevirmisiniz. Xalqımız əvəzsiz xidmətlərinizə yüksək dəyər verərək yenidən Sizə etimad göstərdi. Siz bizə Qarabağın işğaldan azad olunması sevincini yaşatmış Lidersiniz. İftixar mənbəyimiz olan Qarabağ Zəfərinin əhəmiyyəti o qədər böyükdür ki, əsrlər keçsə belə heç zaman unudulmayacaq, hər zaman fərəhlə, minnətdarlıqla xatırlanacaq. Siz uzun illər doğma yurdlarına qayıtmaq arzusu ilə yaşayan neçə-neçə soydaşımıza böyük xoşbəxtlik bəxş etmisiniz. Allah Sizdən razı olsun. Sizinlə fəxr edirik.

Cənab Prezident, çox sevinirik ki, dövlətimizin, xalqımızın gələcəyi əmin əllərdədir. İnanırıq ki, Sizin Azərbaycana rəhbərlik etdiyiniz ötən illər ərzində qazanılan uğurlar yeni prezidentliyiniz müddətində daha da artacaqdır. Sizin əzminiz, qətiyyətiniz, müdrikliyiniz bunu deməyə əsas verir. Sizə yorulmaz fəaliyyətinizdə müvəffəqiyyətlər arzulayıram.

Hörmətlə,

Ədliyyə Nazirliyinin Umbakı penitensiar kompleksindən

Elvin Yusif oğlu Məmmədzadə

Azərbaycan Respublikası, Bakı şəhəri