Qəzənfər Ələkbərovdan, Şəki, Azərbaycan

Hörmətli cənab Prezident,

2024-cü il fevralın 7-də keçirilmiş növbədənkənar Azərbaycan Respublikası Prezidenti seçkilərində inamlı qələbə qazanmağınız münasibətilə Sizi ürəkdən təbrik edirəm. Siz Azərbaycan xalqına ləyaqətlə xidmət göstərirsiniz, vətəndaşların qayğısına qalırsınız. Müstəqil dövlətimizin ən yüksək zirvələri fəth etməsi Sizin adınızla bağlıdır.

Ali Baş Komandanlığınızla Zəfər salnaməmizin yazılması, torpaqlarımızın işğaldan azad edilməsi, Azərbaycan Bayrağının həmin ərazilərdə dalğalanması, suverenliyimizin tam bərpa olunması, ölkəmizin bütün sahələrdə inkişafı, xalqın rifahı Sizin vətənpərvər şəxsiyyət, güclü sərkərdə, uzaqgörən siyasətçi, müdrik Lider olduğunuzdan xəbər verir.

Ulu Öndərimizin siyasətinə sadiq qalaraq tarixi uğurlara imza atan qalib Prezidentimizlə – Sizinlə qürur duyuruq!

Hörmətlə,

Qəzənfər Albənd oğlu Ələkbərov

Azərbaycan Respublikası, Şəki rayonu, Şəki kəndi.