Eldar Quliyevdən, Bakı, Azərbaycan

Möhtərəm cənab Prezident,

2024-cü il fevralın 7-də keçirilən növbədənkənar prezident seçkilərində böyük səs çoxluğu ilə yenidən Azərbaycan Respublikasının Prezidenti seçilməyiniz münasibətilə Sizi səmimi-qəlbdən təbrik edirəm. Sizə milli birliyin, milli həmrəyliyin bundan sonra da möhkəmlənməsi, dövlətimizin inkişafı, tərəqqisi və daha qüdrətlənməsi ilə bağlı işlərinizdə davamlı uğurlar arzu edirəm.

Onu da qeyd etməyi lazım bilirəm ki, son 200 il ərzində Vətənimizin itirilmiş torpaqları və 30 ilə yaxın bir zaman kəsimində düşmən tapdağında olan dədə-babalarımızın məzarlarının olduğu müqəddəs torpaqlarımız Sizin üstün diplomatik zəkanız, cəsarətiniz, dəmir iradəniz sayəsində işğaldan azad edildi. Azərbaycan dövlətinin suverenliyi və ərazi bütövlüyü tam təmin olundu! Mən də vətəndaş olaraq bir daha Sizə dərin təşəkkürümü və minnətdarlığımı bildirirəm. Sizə cansağlığı və böyük müvəffəqiyyətlər arzu edirəm.

Hörmətlə,

Eldar Əmir oğlu Quliyev

Azərbaycan Respublikası, Bakı şəhəri, Nəsimi rayonu.