Ella Leyadan, ABŞ

Hörmətli cənab Prezident,

Yenidən Azərbaycan Respublikasının Prezidenti seçilməyiniz münasibətilə Hollivud kinorejissorlarından ibarət komandam, Florida ştatının Sarasota Yəhudi İcması adından və şəxsən öz adımdan təbriklərimi çatdırıram. Qoy bu gözəl ölkə Sizin rəhbərliyinizlə inkişaf etməyə davam etsin.

Mən Azərbaycanın "mədəniyyət səfiri"yəm. Debüt romanım olan "Yetim səma" – Bakıda böyüdüyüm illərin yarıuydurma təsviri ABŞ və Böyük Britaniyanın əsas KİV-lərində işıqlandırıldı. Hər iki ölkəyə bir neçə qastrol səfərinə çıxdım, kitabımı təbliğ etməklə yanaşı, tamaşaçılara Azərbaycan haqqında məlumat verdim. Kitabımı oxuyan keçmiş birinci xanım Mişel Obama məni Azərbaycanı Ağ Evin multikultural assambleyasında təmsil etmək üçün dəvət etdi.

Hazırda Diasporla İş üzrə Dövlət Komitəsi ilə birgə Azərbaycanın Qafqaz dağlarında çəkilmiş "Leylanın skripkası" qısametrajlı filminin təbliği ilə məşğuluq. Film nominasiyaya layiq görüldü və aparıcı aktrisamız Beynəlxalq Monako Film Festivalında nüfuzlu “Mələk” mükafatını qazandı.

Bu missiyanı davam etdirmək – doğma Vətənimi yaşadığım ölkəyə tanıtmaq həm sevinc, həm də şərəfdir. Ümid edirəm ki, bir gün Sizinlə şəxsən görüşüb bu sevinci bölüşəcəyəm.

Cənab Prezident, Sizə və ailənizə cansağlığı, xoşbəxtlik arzulayıram.

Hörmətlə,

Ella Leya,

ABŞ-da fəaliyyət göstərən "B Elite Productions"ın direktoru.

Amerika Birləşmiş Ştatları.