Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 1-ci bəndini rəhbər tutaraq qərara alır:
“Valyuta tənzimi haqqında” Azərbaycan Respublikasının Qanununda (Ali Sovetinin Məlumatı, 1995, № 7, maddə 116; Azərbaycan Respublikasının Qanunvericilik Toplusu, 2001, № 12, maddə 737; 2003, № 1, maddə 1; 2006, № 3, maddə 225; 2007, № 6, maddə 562, № 12, maddə 1216; 2009, № 7, maddə 517; 2010, № 4, maddə 276; 2014, № 10, maddə 1168; 2016, № 3, maddə 423; 2017, № 5, maddə 741, № 7, maddə 1291; 2018, № 5, maddə 847; 2019, № 1, maddə 30, № 3, maddə 387; 2021, №12, maddə 1298) aşağıdakı dəyişikliklər edilsin:
1. Aşağıdakı məzmunda 13-1.4-cü maddə əlavə edilsin:
“13-1.4. Bu Qanunun 13-1.2-ci maddəsində nəzərdə tutulan sənədlərin Elektron Hökumət İnformasiya Sistemi vasitəsilə müvafiq dövlət orqanından (qurumundan) əldə edilməsi mümkün olduqda, həmin sənədlər ərizəçidən tələb edilmir. Belə sənədlərin Elektron Hökumət İnformasiya Sistemi vasitəsilə əldə edilməsi mümkün olmadığı hallarda onların təqdim edilməsi ərizəçinin razılığı ilə sorğu əsasında müvafiq dövlət orqanından (qurumundan) tələb olunur və ya ərizəçi tərəfindən təmin edilir.”.
2. 13-2.1-ci maddənin ikinci cümləsinə “çatışmazlıqlar” sözündən sonra “(bu Qanunun 13-1.4-cü maddəsinin tələbləri nəzərə alınmaqla)” sözləri əlavə edilsin.
3. 13-2.14-cü maddənin ikinci cümləsinə “sənədlər” sözündən sonra “(bu Qanunun 13-1.4-cü maddəsinin tələbləri nəzərə alınmaqla)” sözləri əlavə edilsin.
4. 13-5.3-cü maddəyə “əlavə olunur” sözlərindən sonra “(bu Qanunun 13-1.4-cü maddəsinin tələbləri nəzərə alınmaqla)” sözləri əlavə edilsin.
İlham Əliyev
Azərbaycan Respublikasının Prezidenti
Bakı şəhəri, 20 dekabr 2022-ci il
