Pərviz Paşayevdən, Tərtər, Azərbaycan

Möhtərəm cənab Prezident,

Türk Dövlətlərinin Əməkdaşlıq Şurasının 2021-ci il noyabrın 12-də İstanbulda keçirilən zirvə görüşündə Sizin “Türk Dünyasının Ali Ordeni” ilə mükafatlandırılmağınız türk dövlətlərinin birliyinə verdiyiniz töhfənin liderlər tərəfindən təsdiqidir. Bu Orden, özünüzün də dediyiniz kimi, Azərbaycan xalqına verilən dəyərin təzahürüdür.

Möhtərəm cənab Prezident, türk dünyasının birliyi üçün yorulmadan çalışdığınız üçün Sizə minnətdarlığımı bildirir və ali mükafata layiq görülməyiniz münasibətilə Sizi ürəkdən təbrik edirəm.

Zirvələrə gedən yolunuz daim uğurlu olsun!

Hörmətlə,

Paşayev Pərviz

Azərbaycan Respublikası, Tərtər rayonu, Şıxarx qəsəbəsi.