Zahir İbrahimov, Mehman Nağıyev və Baxış Baxışovdan, Ağcabədi, Azərbaycan

Cənab Prezident, Müzəffər Ali Baş Komandan,

Sizin möhkəm iradəniz, qətiyyətiniz, uzaqgörən siyasətiniz İkinci Qarabağ müharibəsində bizi böyük Zəfərə gətirib çıxardı. Bu Qələbə ilə Azərbaycan işğal altındakı torpaqlarını azad etdi. Ermənistanın işğal siyasətinə son qoymaqla Azərbaycan BMT-nin kağız üzərində qalan qətnamələrinin icrasını təmin etdi. Türkiyə Prezidenti Rəcəb Tayyib Ərdoğanın bildirdiyi kimi, Qarabağda təxminən otuz il davam edən işğala Sizin qətiyyətli rəhbərliyinizlə cəmi 44 gün ərzində son qoyulması bütün türk dünyası üçün böyük əhəmiyyət daşıyır. Çünki Qarabağ Zəfəri regionda yeni əməkdaşlıq imkanları açmaqla yanaşı, türk dünyasının həmrəyliyinə də böyük töhfə verir.

Möhtərəm Prezident, Siz Vətən müharibəsindəki tarixi Qələbəyə və türk birliyinin daha da möhkəmləndirilməsindəki səylərinizə görə Türk Dünyasının Ali Ordeni ilə təltif olundunuz. Belə bir yüksək mükafata layiq görülməyiniz bizə böyük iftixar hissi yaşatdı. Siz əvəzolunmaz xidmətlərinizlə xalqın dərin məhəbbətini qazanan müdrik lidersiniz. Sizinlə qürur duyuruq. Sizə fəaliyyətinizdə yeni-yeni uğurlar diləyirik.

Hörmətlə,

İbrahimov Zahir Tofiq oğlu,

Nağıyev Mehman Nurəddin oğlu,

Baxışov Baxış Famil oğlu, təhsil işçiləri.

Azərbaycan Respublikası, Ağcabədi rayonu.