Amil Məlikov və Fədail Musayevdən, Ağcabədi, Azərbaycan

Əziz və hörmətli Prezidentimiz,

Türkdilli ölkələrin dövlət başçılarının qərarına əsasən Sizin “Türk Dünyasının Ali Ordeni” ilə təltif olunmağınızı böyük qürur hissi ilə qarşıladıq. Sizi ürəkdən təbrik edirik. Bu, Sizin gördüyünüz işlərə verilən yüksək qiymətin, şəxsiyyətinə göstərilən böyük ehtiramın əyani təsdiqi, dünyadakı nüfuzunuzun təcəssümüdür. Sizin kimi müdrik Prezidentin rəhbərlik etdiyi qalib ölkənin vətəndaşları olduğumuz üçün çox şanslıyıq.

Cənab Prezident, Vətən müharibəsində tarixi Zəfər qazanmaqla Siz xalqımıza böyük sevinc bəxş etdiniz. Allah hər zaman Sizi sevindirsin. Siz xalqımızın Qarabağ nisgilinə son qoydunuz, yüz minlərlə soydaşımızın doğma ata-baba yurdlarına qayıtmaq arzusunu reallaşdırdınız. Azad olunmuş torpaqlarımızda Sizin rəhbərliyinizlə həyata keçirilən yenidənqurma, bərpa işləri başa çatandan sonra həmin yerlərə qayıdıb orada yaşayacaqları günü səbirsizliklə gözləyən soydaşlarımızın sevincinin həddi-hüdudu yoxdur. Sizi çox sevirik, Sizə güvənimiz sonsuzdur.

Ulu Tanrıdan Sizə uzun ömür, cansağlığı arzulayırıq.

Hörmətlə,

Məlikov Amil Əkbər oğlu,

Musayev Fədail Paşa oğlu, təhsil işçiləri.

Azərbaycan Respublikası, Ağcabədi rayonu.