Mehtixan Zeynalovdan, Ağcabədi, Azərbaycan

Hörmətli cənab Prezident,

Sizin rəhbərliyinizlə Azərbaycan Respublikası böyük inkişaf yolu keçmiş, beynəlxalq aləmdə nüfuzu artmış, etibarlı tərəfdaşa çevrilmişdir. 44 günlük Vətən müharibəsində əldə etdiyimiz şanlı Zəfər ölkəmizin dünyada mövqelərini daha da gücləndirmişdir. Torpaqlarımızın işğaldan azad edilməsi, ərazi bütövlüyümüzün bərpası xalqımızın Sizə olan məhəbbətini və inamını daha da artırmışdır.

Möhtərəm Prezident, tarixi Qələbə bölgəmizdə yeni reallıqlar yaratmaqla yanaşı, türk dünyasında birliyin və həmrəyliyin daha da gücləndirilməsi baxımından böyük əhəmiyyətə malikdir. Sizin “Türk Dünyasının Ali Ordeni” ilə təltif edilməyinizlə bağlı qərarın qəbul edilməsində bu amilin də mühüm rolu var. Türkdilli ölkələrin dövlət başçılarının bu qərarı Sizin xidmətlərinizə verilən yüksək dəyərdir. Sizi təbrik edirik.

Cənab Prezident, Sizə cansağlığı, xoşbəxtlik, fəaliyyətinizdə hər zaman böyük uğurlar arzulayırıq.

Hörmətlə,

Zeynalov Mehtixan Məhəmməd oğlu

Azərbaycan Respublikası, Ağcabədi rayonu, Salmanbəyli kəndi.