Gəray Gəraybəylidən, Bakı, Azərbaycan

Çox hörmətli cənab Prezident!

İcazənizlə, Sizi “Türk Dünyasının Ali Ordeni” ilə təltif olunmağınız münasibətilə Azərbaycan Tibb Universitetinin professor-müəllim heyəti və çoxminli tələbələri adından, eləcə də öz adımdan böyük fəxarət hissləri ilə səmimi qəlbdən təbrik edirəm.

Sizin simanızda Azərbaycan Respublikasının, Azərbaycan xalqının ən yaxın və ən etibarlı dostu olan Türkiyə Respublikasının Prezidenti cənab Rəcəb Tayyib Ərdoğanın Sizə təntənəli surətdə “Türk Dünyasının Ali Ordeni”ni təqdim etməsi, dünya azərbaycanlılarının bir üzvü kimi Azərbaycan Tibb Universiteti kollektivinin də fərəh dolu sevincinə səbəb olub. Siz dünyanın ən nüfuzlu mükafat və təltiflərinə layiq olan dünya şöhrətli siyasətçi, bütün dünyanın qibtə etdiyi yenilməz Ali Baş Komandan, öz xalqına, millətinə, bütün türk dünyasına xoşbəxtliklər, bütün bəşəriyyətə sülh və əmin-amanlıq nümunəsi bəxş edən “dəmir yumruq”lu, “dəmir bilək”li, “dəmir iradə”li, Zəfər töhfəli Azərbaycan Prezidentisiniz.

Sizinlə birgə addımlayaraq xarüqələr yaradan Birinci vitse-prezident Mehriban xanım Əliyeva ilə həm ölkə daxilində, həm də onun hüdudlarından kənarda dahi Heydər Əliyev ideyalarını yaşadaraq, onun yenilməz siyasət istiqamətlərini böyük uğurla davam etdirməyiniz milli mentalitet meyarlarımızın ən dəyərli nümunələrindəndir. Siz 44 günlük Vətən müharibəsi dövründə təkcə Azərbaycanı deyil, bütün bəşəriyyəti uydurma erməni mifindən, erməni faşizmindən, erməni terrorizmindən xilas edərək, onların satqınçılıq, yaltaqlıq, riyakarlıq xüsusiyyətlərinin iç üzünü açdınız və bütün tərəqqipərvər bəşəriyyətə nümayiş etdirdiniz. Zəfər bayrağımızın göyün ənginliklərində əbədi olaraq məğrurluqla dalğalanmasını təmin etdiniz, tarix salnaməmizin yeni səhifələrinə adınızı daimi olaraq qızıl hərflərlə yazdırdınız.

Ulu Öndər tərəfindən əsası qoyulan Azərbaycan Tibb Universitetinin maddi-texniki bazasını inkişaf etdirərək onu yeni zirvələrə yüksəltməyiniz ölkəmizin bütün tibb ictimaiyyətinə bəxş etdiyiniz əvəzsiz töhfələrdəndir. Hər nüanslara görə Sizə dərin minnətdarlıq dolu təşəkkürlərimizi yetiririk.

Möhtərəm cənab Prezident, Ali Baş Komandan, bir daha Sizi göstərdiyiniz möhtəşəm xidmətləriniz müqabilində “Türk Dünyasının Ali Ordeni”nə layiq görülməyiniz münasibətilə ürəkdən təbrik edir, Sizə möhkəm cansağlığı diləyir, xalqımızın rifahı, bəşəriyyətin xilası naminə sülhsevərlik ruhuyla yerinə yetirdiyiniz qlobal işlərinizdə yeni uğurlar, yeni müvəffəqiyyətlər arzulayırıq.

Səmimi hörmət və ehtiramla,

Gəraybəyli Gəray,

Azərbaycan Tibb Universitetinin rektoru.

Azərbaycan Respublikası, Bakı şəhəri.