Səbinə Əlizadə və Şəfa Musayevadan, Gəncə, Azərbaycan

Əziz və dəyərli Prezidentimiz cənab İlham Əliyev!

Siz tarix yazan böyük Sərkərdə, xalqımızın fəxrisiniz. Bu günlərdə Sizinlə birlikdə bütün xalqımız qürurlu və sevinclidir.

Aldığınız ali mükafat bizi çox qürurlandırdı. Əslində bu, ağıllı və uzaqgörən fəaliyyətinizin ən böyük uğuru və dəyərli töhfəsidir.

Türk birliyi mənəvi dəyərlər üzərində yaşayan və inkişaf edən ölkələrin vahid təşkilatıdır. Siz bu birliyin təmsilçisi olmaqla yanaşı, türk dünyasının və regionun güclü simasısınız. Siz tarix yazan, tarixi gerçəklikləri dünyaya çatdıran, Vətən övladı olaraq üzərinizə düşən missiyanı layiqincə yerinə yetirən türk dünyasının fəxrisiniz.

Siz xalqımızı Qarabağımıza qovuşdurmanın tarixi vacibliyini dünyaya car çəkən ədalət gücüsünüz. Biz Sizinlə fəxr edir və qürur duyuruq. Əməllərinizə, göstərdiyiniz tarixi xidmətlərə görə verilən bu Ali Orden Sizin simanızda dövlətimizin Türk Birliyi təşkilatındakı yerini daha da möhkəmləndirib, nüfuzumuzu daha da ucaldacaq.

Dəyərli Prezidentimiz, Sizə olan sevgimiz və hörmətimiz sonsuzdur. Tanrı Sizi qorusun! Siz xalqımızın dəyərli oğlu və onun xoşbəxt gələcəyinin qarantısınız. Mükafatlarınız daimi olsun!

Hörmətlə,

Əlizadə Səbinə,

Musayeva Şəfa.

Azərbaycan Respublikası, Gəncə şəhəri.