Böyükağa Abdullayevdən, Bakı, Azərbaycan

Hörmətli cənab Prezident,

Ötən il Şuşa Bəyannaməsinin imzalanması ilə Siz yeni tarix yazdınız.

2021-ci il noyabrın 12-də İstanbulda keçirilən Türkdilli Dövlətlərin Əməkdaşlıq Şurasının VIII Zirvə Görüşündə, Sizə Türk Dünyası Ali Ordeninin təqdim edilməsi ailə üzvlərimi, o cümlədən məni çox sevindirdi və qürurlandırdı. Türkiyə Respublikasının Prezidenti Rəcəb Tayyib Ərdoğanın Türk Dünyasının Ali Ordenini Sizə təqdim etməsi və buna türkdilli dövlət başçılarının qərar verməsi, türk dünyasının Sizin kimi qəhrəman, qorxmaz oğlunun, vuran dəmir əlinin, döyünən ürəyinin, düşünən beyninin olduğunu dünyaya mesaj verdi.

Müzəffər Ali Baş Komandan, bu münasibətlə Sizi və ailənizin hər bir üzvünü səmimi qəlbdən təbrik edirəm.

Siz türk dünyası üçün bir daha yeni tarix yazdınız. Bu gün Sizin dünyaya siyasi baxışınızla bütün türk dünyası fəxr edir, qürur duyur.

Cənab Prezident, bu uğur, bu sevinc təkcə Sizin deyil, bütün türk dünyasının, türkdilli xalqların sevincidir. Bu münasibətlə Sizi ailə üzvlərimin adından təbrik edirəm.

Amalımız ədalətsizliyə qarşı ədalətli mübarizə aparmaqdır.

Hörmətlə,

Abdullayev Böyükağa Abdulla oğlu

Azərbaycan Respublikası, Bakı şəhəri.