Əli Ağaməmmədovdan, Yardımlı, Azərbaycan

Hörmətli cənab Prezident,

Sizə Türk Dünyasının Ali Ordeninin təqdim edilməsi bizi çox sevindirdi. Siz gördüyünüz böyük işlərlə, Vətən, xalq qarşısındakı tarixi xidmətlərinizlə ən dəyərli mükafatlara layiqsiniz. Sizinlə fəxr edirik. Bu mükafatın Sizə verilməsi ilə bir daha sübut olundu ki, bütün türk dünyası Sizin xidmətlərinizi yüksək dəyərləndirir. Ali Ordenin təqdim olunması mərasimində Türkiyə Respublikasının Prezidenti Rəcəb Tayyib Ərdoğanın Sizin haqqınızda söylədiyi fikirlər bunun bariz göstəricisidir.

Möhtərəm Prezident, Siz atdığınız qətiyyətli, cəsarətli addımlarla xalqın böyük məhəbbətini, hörmətini qazanmısınız. Vətən müharibəsində əldə olunan tarixi Qələbə, Qarabağımızın işğaldan azad edilməsi Sizə olan sevgimizi, güvənimizi daha da artırdı. Hər zaman Sizin yanınızdayıq, yürütdüyünüz siyasəti dəstəkləyəcəyik.

Ulu Tanrıdan Sizə möhkəm cansağlığı, gələcək zəfərlər naminə fəaliyyətinizdə bol-bol uğurlar arzulayırıq.

Hörmətlə,

Ağaməmmədov Əli İrzəbəy oğlu

Azərbaycan Respublikası, Yardımlı rayonu, Gavran kəndi.