Ruhiyyə İmanovadan, Bakı, Azərbaycan

Hörmətli cənab Prezident, Müzəffər Ali Baş Komandan.

Sizin və müzəffər Ordumuzun sayəsində Füzuli şəhəri bu gün tariximizdə azad şəhər oldu. Eyni zamanda, Füzuli şəhərində Beynəlxalq Hava Limanının açılması üçün verdiyiniz qərar bu gün Füzulinin gələcək inkişafında və dünyada tanınması üçün bir stimuldur.

Bu gün Sizin və qardaş türk dünyasının başçısı Rəcəb Tayyib Ərdoğanın iştirakı ilə Füzuli Beynəlxalq Hava Limanının açılışını qeyd etdiyimiz gün biz füzulilər üçün sevindirici, qürurverici bir gün oldu.

Cənab Prezident, bu gün yazdığınız Zəfər tariximizə daha bir əlamətdar tarix yazdınız. Bizə bu sevinci yaşatdığınız üçün bütün Füzuli sakinləri, təhsil işçiləri adından Sizə təşəkkürümü bildirirəm.

Hörmətlə,

İmanova Ruhiyyə Vaqif qızı

Füzuli rayon 3 nömrəli tam orta məktəbin direktoru

Azərbaycan Respublikası, Bakı şəhəri.