Barat Qəhrəmanovdan, Qubadlı, Azərbaycan

Möhtərəm və Müzəffər Ali Baş Komandan.

Sizin rəhbərliyiniz altında Ordumuz 44 günlük müharibədə qalib ordu kimi özünü dünyaya sübut etdi. Belə bir deyim var: Sərkərdə möhkəm olsa, ordu getməz heç vaxt bada. Bəli bu gün Sizin kimi “dəmir yumruq”lu sərkərdəmiz və Sizə inanan, başımızı dik qaldıran, xalqının namusunu qoruyan qalib Ordumuz var. Sizinlə, Ordumuzla, şəhidlərimizlə fəxr edirik. 44 günlük müharibədə dövlət-ordu-xalq həmrəyliyini bütün dünyaya göstərdik. Allah bütün şəhidlərimizə rəhmət eləsin.

Dünyanın harasında yaşamağından asılı olmayaraq, hər bir azərbaycanlının fəaliyyətində və həyatında “Qarabağ Azərbaycandır!” şüarı böyük hədəflər qoymaq şücaəti, bütöv xalq şüuru olaraq Azərbaycan tarixinin və gələcəyinin mənəvi xəzinəsinə çevrildi.

Cənab Prezident, Allah Sizə və ailənizə cansağlığı versin.

Hörmətlə,

Barat Qəhrəmanov

Azərbaycan Respublikası, Qubadlı rayonu, Çərəli kəndi.