Barat Məmmədovdan, Ağdam, Azərbaycan

Möhtərəm cənab Prezident.

Hər zaman inanırdıq ki, Siz bizə Qələbə sevincini bəxş edəcəksiniz. 44 günlük Vətən müharibəsinin Qələbə ilə başa çatması torpaqlarımızın işğaldan azad olunması Sizin həyata keçirdiyiniz uğurlu siyasətin nəticəsidir. Sizin kimi Vətənini, xalqını sevən Prezidentimizin olması ilə fəxr edirik. Düşmən üzərində qazanılan qələbəyə və torpaqlarımızın işğaldan azad edilməsinə görə Sizə ömür boyu minnətdar olacağıq.

Müzəffər Ali Baş Komandan, Siz işğaldan azad edilmiş torpaqlarımızda bərpa, yenidənqurma işlərini həyata keçirməklə yanaşı, müharibə zamani zərər çəkmiş insanların problemlərini də diqqətdən kənarda qoymadınız. Evlərimizin, təsərrüfatlarımızın bərpası üçün göstərdiyiniz köməyə görə Sizə sonsuz təşəkkürümüzü bildiririk.

Allah Sizi qorusun.

Hörmətlə,

Barat Məmmədov

Azərbaycan Respublikası, Ağdam rayonu, Mirəşelli kəndi.