Tehran Əmiraslanovdan, Quba, Azərbaycan

Möhtərəm cənab Prezident.

Sizin “CNN Türk” televiziya kanalına müsahibənizi izləyərkən məndə çox böyük ruh yüksəkliyi yarandı. 44 günlük Vətən müharibəsi zamanı da Sizin çıxışlarınızı, müsahibələrinizi böyük qürurla və sevinclə izləyirdim. Müsahibənizdə düşmənə və onun havadarlarına ciddi mesajlar verdiniz. Bir daha göstərdiniz ki, Azərbaycan öz prinsipiallığını bundan sonra da qoruyacaq. Erməni faşizmi yenə də baş qaldırmağa cəhd göstərsə, onun başını bir daha əzəcəyimizi təxribatla məşğul olan ermənilərə xatırlatmağınız lap yerinə düşdü.

Cənab Prezident, Siz milli maraqlarımızı rəhbər tutaraq ölkəmizin ərazi bütövlüyünün bərpa olunması, xalqımızın təhlükəsizlik və rifah içində yaşaması üçün gecə-gündüz yorulmadan çalışan və buna nail olan lidersiniz. Əminəm ki, vətənpərvərlik hissi olan hər bir azərbaycanlı mənimlə eyni fikirdədir. Sizin qətiyyətiniz, uzaqgörən siyasətiniz sayəsində Azərbaycan qısa müddətdə müharibədən qalib çıxdı və tarixi ədaləti bərpa etdi. Siz sözünüzün və əməllərinizin bir-birini tamamladığını dünyaya dəfələrlə sübut etmisiniz. Sizinlə qürur duyuruq. Biz xalq olaraq Sizin ətrafınızda yumruq kimi birləşmişik, düşünülmüş siyasətinizi, müdrik addımlarınızı sonadək dəstəkləyəcəyik.

Sizə möhkəm cansağlığı, ölkəmizin inkişafı, xalqımızın rifahı naminə qarşıdakı fəaliyyətinizdə yeni-yeni uğurlar diləyirəm.

Hörmətlə,

Tehran Əmiraslanov

Azərbaycan Respublikası, Quba rayonu.