Oqtay Zəngilanlıdan, Bakı, Azərbaycan
Möhtərəm Prezident, Müzəffər Ali Baş Komandan!
Siz ulu öndər Heydər Əliyevin davamçısı kimi Vətənini və xalqını canından artıq sevən, gecə-gündüz dinclik bilmədən çalışan, ölkəmizin adının dünyanın inkişaf etmiş ölkələri ilə bir sırada çəkilməsini təmin edən güclü lidersiniz!
Uğurlu fəaliyyətinizə görə Sizə minnətdarlıq bildirərək səmimi hisslərimi ifadə edən şeirimi təqdim edirəm.
Oldu el-obaya dar gündə dayaq,
Qurtardı bəladan elin-obasını.
Sabitlik yaratdı, ucaltdı bayraq,
Ulu Heydər yolu, İlham zəkası.
Şumer-akkat soylu ünvanlı yoldur,
Xətai yoludur səsi-sədası.
Cümhuriyyət yolu davamlı yoldur,
Ulu Heydər yolu, İlham zəkası.
Güclü Milli Ordu qurdu ölkədə,
Qoruyur torpağın, dincdir səması.
Yaradıb ən güclü ordu bölgədə,
Ulu Heydər yolu, İlham zəkası.
İnsanlıq yoludur, həyat səsidir,
Bu yol ürəklərdə yuva salası.
Vətən tarixinin salnaməsidir,
Ulu Heydər yolu, İlham zəkası.
Olub sülh elçisi bəşəriyyətin,
Kamillik yoludur hikmət dəryası.
Artırıb Vətənin şanın-şöhrətin,
Ulu Heydər yolu, İlham zəkası.
Keçir səngərləri, keçir qalanı,
Bu yol yer üzündə zəfər çalası.
İfşa edir neçə böhtan, yalanı,
Ulu Heydər yolu, İlham zəkası.
Zülmətdən işığa boy atan yoldur,
Azadlıq yoludur, qeyrət qalası.
Yatmış vicdanları oyadan yoldur,
Ulu Heydər yolu, İlham zəkası.
Sevdirir hər kəsə ana dilini,
Azərbaycan adlı var öz dünyası.
Ürəkdə yaşadır oba-elini,
Ulu Heydər yolu, İlham zəkası.
Qəhrəmanlıq yolu güvənc yoludur,
Paklıqdan yoğrulub yolun mayası.
“Dədə Qorqud” yolu, “Manas” yoludur,
Ulu Heydər yolu, İlham zəkası.
Oyadır insanda həyat həvəsi,
Gün-gün cənnət olur bağı-bağçası.
Bəxş edir insana zəfər töhfəsi,
Ulu Heydər yolu, İlham zəkası.
Od-alov yoludur, tufan yoludur,
Həqiqət yoludur, Tanrı duası.
Ulu türk məkanlı, divan yoludur,
Ulu Heydər yolu, İlham zəkası.
TAP, TANAP xəttidir, Şərq-Qərb yoludur,
Var neçə dövlətə bu yolun faydası,
İnkişaf yoludur, sülh simvoludur
Ulu Heydər yolu, İlham zəkası.
Hörmətlə,
Ələkbərov Oqtay (Oqtay Zəngilanlı)
Azərbaycan Respublikası, Bakı şəhəri.