Elşən Ağazadədən, Biləsuvar, Azərbaycan

Hörmətli cənab Prezident, Müzəffər Ali Baş Komandan!

15 iyun xalqımızın yaddaşında qürur duyduğumuz tarixi bir gündür. Məhz bu gün ümummilli lider Heydər Əliyev xalqın səsinə səs verərək Azərbaycan xalqını böyük bəlalardan xilas etdi. Bu gün müstəqil Azərbaycanın qurucusu Ulu Öndərimizin ruhu şaddır.

Möhtərəm cənab Prezident, biz Sizinlə fəxr edirik. Bu gün qardaş Türkiyə Respublikasının Prezidenti ilə tarixi Azərbaycan torpaqlarına səfəriniz düşmənə bir daha göz dağı, bizə isə həm qürur hissi, həm də böyük bir sevinc yaşatdı. Sizin və cənab Ərdoğanın Azərbaycanın mədəniyyət paytaxtı olan Şuşaya səfəriniz bu gün türk xalqlarının zəfəri, türk xalqlarının qürur yeridir.

Qısa bir müddət ərzində tarixi Azərbaycan torpaqlarında infrastrukturun yenilənməsi, quruculuq işlərinin həyata keçirilməsi bir daha sübut edir ki, Azərbaycan hərbi və siyasi güclə yanaşı, böyük iqtisadi gücə də malikdir.

Möhtərəm Prezident, biz gənclər Sizin ətrafınızda sıx birləşmişik. Sizin daxili və xarici siyasətinizin nəticəsidir ki, bu gün Azərbaycan həm regionda, həm də dünyada böyük nüfuza malikdir. Qardaş Türkiyə Respublikası ilə sıx əlaqələrimiz bizim birlik rəmzimizdir.

Yaşasın Azərbaycan və Türkiyə qardaşlığı! Sizə təşəkkür edirəm, Müzəffər Ali Baş Komandanımız!

Hörmətlə,

Ağazadə Elşən Mirilham oğlu

Azərbaycan Respublikası, Biləsuvar rayonu.