Mahmud Əhməddən, Xaçmaz, Azərbaycan

Çox hörmətli cənab Prezident!

Əsası ulu öndər Heydər Əliyev tərəfindən qoyulan müstəqil Azərbaycanımızın bütün sahələrdə möhtəşəm nailiyyətlər əldə etməsinə görə hər bir Azərbaycan vətəndaşının Sizə böyük sevgisi və vəfa borcu var. Dəmir iradəniz, dönməz siyasətiniz sayəsində xalqımızın milli qürur hissini özünə qaytaran Qarabağ Zəfərinin əldə edilməsi isə analoqu olmayan möhtəşəm tarixi hadisədir.

Xalqımıza yaşatdığınız Zəfər sevinci sadə Azərbaycan vətəndaşı kimi məni də hədsiz dərəcədə sevindirdi, ömrümün bu ahıl çağında elə bil məni ilk gənclik illərimə qaytardı. Xoşbəxtəm ki, tale mənə belə bir uzun ömür yaşamaq nəsib etdi və mən hər bir Azərbaycan vətəndaşı kimi Sizin polad iradəniz sayəsində əldə etdiyiniz Zəfər gününün sevincini yaşaya bildim.

Çox hörmətli Prezident, böyük Qarabağ Zəfərindən və Azərbaycan-Türkiyə qardaşlığının əbədiliyindən ilham alaraq şeirlər qələmə alıb kitab çap etdirmişəm. Bu şeirlər Sizin uca şəxsiyyətinizə, dövlətimə, Vətənimə, bütövlükdə Türk dünyasına olan hədsiz məhəbbətimin ifadəsidir.

Allah Sizi qorusun! Haqq və böyük zəfərlər həmişə Sizinlə olsun!

Dərin hörmətlə,

Mahmud Əhməd,

Azərbaycan Yazıçılar və Jurnalistlər birliklərinin üzvü, şair-publisist.

Azərbaycan Respublikası, Xaçmaz rayonu, Xudat şəhəri.