Babayev Kamal Elman oğlundan, Qax, Azərbaycan

Hörmətli cənab Prezident.

Siz bütün Azərbaycan xalqını, həmçinin bütün türk dünyasını sevincə qərq etdiniz. Hamıya göstərdiniz ki, biz cəsur və mərd xalqıq - bu, tarix boyu belə olub, indi də belədir.

Tarixi Qələbəmizin, torpaqlarımızın azadlığının baş memarı Siz və ətrafinızda dəmir yumruq kimi birləşən xalqımızdır. Bu birlik sarsılmazdır! Sizi sevirik və apardığınız siyasəti dəstəkləyirik. Sizə bundan sonrakı işlərinizdə də uğurlar arzu edirəm. Allah Sizi qorusun!

Mən hərbi xidmətimi Füzulidə yerinə yetirsəm də, yenidən döyüşə getmək qismətim olmadı. Hər zaman Sizin bütün əmrlərinizə hazır döyüşçünüz kimi 44 gün ərzində bir an belə rahatlıq tapmadım. Verdiyiniz hər qələbə xəbərini sevinc göz yaşlarımı saxlaya bilmirdim, bu hisslər ifadə olunmaz dərəcədə qürurlu idi. Bu sevinci və qüruru bizə yaşatdığınız üçün çox sağ olun. Bu, tək döyüş meydanında əldə edilən qələbə deyildi. Bu həm də siyasi meydanda apardığınız mübarizənin bəhrəsi idi.

Mənfur düşmənin cinayətkar hərbi-siyasi rəhbərlərini bütün dünyaya tanıtdınız. İşğalçılara tarixi dərs verdiniz. Nə qədər güclü havadarları olsa da, Sizin qarşınızda duruş gətirə bilmədilər, bundan sonra da bilməyəcəklər.

Yaşasın Azərbaycan, var olsun Müzəffər Ali Baş Komandan! Sizə bütün sahələrdə uğurlar arzu edirəm. Allah Sizi qorusun.

Hörmətlə,

Babayev Kamal Elman oğlu

Azərbaycan Respublikası, Qax rayonu.