Bahadır Abdüssametdən, İstanbul, Türkiyə

Hörmətli cənab Prezident.

Sizi və bütün Azərbaycan xalqını Qarabağın azad edilməsi uğrunda apardığınız Vətən müharibəsində qazandığınız böyük Zəfər münasibətilə cani-könüldən təbrik edirəm. Can Azərbaycanın ayrılmaz bir parçası, qəlbi olan Qarabağın düşmənlərdən xilas edilməsi bütün türk dünyasının böyük Qələbəsidir.

Cənab Ali Baş Komandan, Siz Ordunuzla bərabər qazandığınız Zəfəri tarixə qızıl hərflərlə yazdınız, Türk dünyasının bayrağını ucaltdınız.

Bir daha Sizi və xalqınızı möhtəşəm Qələbə münasibətilə təbrik edirəm. Bütün Türkiyə Sizinlə qürur duyur.

Cənab Prezident, 30 ilə yaxın düşmən işğalı altında qalan şəhər və kəndlərin viran edildiyinin şahidi olduq. Siz də qeyd etdiyiniz kimi, Qarabağın yenidən canlanacağına, cənnətə çevriləcəyinə əminik. Prezident olduğunuz 17 ildə Azərbaycanı güclü bir ölkəyə çevirdiniz. Bununla bağlı yürütdüyünüz möhtəşəm siyasəti, mübarizəni yaxından izləyirik. Qarabağda həyata keçirməyi planlaşdırdığınız layihələrin böyük uğurla nəticələnəcəyinə əminik.

Cənab Prezident, biz də “Bahaş Holdinq” olaraq Qarabağın yenidən canlanması və qurulması layihələrində Sizə və Azərbaycan xalqına dəstək vermək istəyirik. “Bahaş Holdinq” 30 il əvvəl fəaliyyətə başlayan, bu gün başda inşaat olmaqla, səhiyyə, turizm, müdafiə sənayesi, əkinçilik və heyvandarlıq, enerji, texnologiya kimi bir çox sahələrdə fəaliyyət göstərən və gələcəyə yönəlik çoxsaylı layihələr həyata keçirən şirkətlər qrupudur.

Hörmətlə,

Abdüssamet Bahadır, “Bahaş Holdinq”in İcraçı direktoru

Türkiyə Respublikası, İstanbul şəhəri.