Ülviyyə Cabbarovadan, Helsinki, Finlandiya

Zati-aliləri! Möhtərəm cənab Prezident!

İcazə verin, mənim həyatımda ən əlamətdar hadisə olan “Diaspor fəaliyyətində xidmətə görə” Azərbaycan Respublikasının medalı ilə təltif edilməyimə görə Sizə – Azərbaycan xalqının ləyaqətli oğluna, dövlət rəhbərimizə və dünyanın tanınmış siyasi xadiminə salamlarımı və təşəkkürlərimi ünvanlayım. Bu medala layiq görülməyim şəxsimə və xaricdə yaşayan azərbaycanlılara olan yüksək hörmət və etimadın göstəricisidir. Sizin alicənablığınız sayəsində fəaliyyətimə verilən qiymət, eyni zamanda, diaspora fəaliyyətinə göstərilən özəl münasibətin, ölkəmizin hüdudlarından keçib beynəlxalq ictimaiyyətə qədər irəliləyən şöhrətinin sübutu və təqdiridir.

Zat-aliləri! Məni Azərbaycan dövlətinin mühüm mükafatlarından biri olan “Diaspor fəaliyyətində xidmətə görə” Azərbaycan Respublikası medalı ilə təltif etməyiniz mənim üçün olduqca böyük fəxarət, qürur mənbəyidir.

Möhtərəm cənab Prezident! Bu Ali mükafata məni layiq bildiyiniz üçün bir daha Sizə dərin təşəkkürlərimi və minnətdarlığımı bildirirəm. Azərbaycan xalqının rifahı, dövlətimizin qüdrətinin artması, ərazi bütövlüyümüzün bərpası naminə misilsiz fəaliyyətinizdə uğurlar diləyir, Sizə və gözəl ailənizə ən xoş arzularımı yetirirəm.

Hörmətlə,

Cabbarova Ülviyyə,

Skandinaviya Azərbaycanlılarının Finlandiya əlaqələndiricisi və Azər-Türk gənclər təşkilatının sədri.

Finlandiya Respublikası, Helsinki şəhəri.