Çingiz Məmmədovdan, Bakı, Azərbaycan

Möhtərəm cənab Prezident, Müzəffər Ali Baş Komandan.

Müqəddəs torpaqlarımızın işğaldan azad edilməsi uğrunda Vətən müharibəsinin möhtəşəm tarixi qələbə ilə başa çatması və böyük Zəfər Paradı keçirilməsi münasibəti ilə Sizi ailəm və öz adımdan təbrik edirəm.

Hörmətli cənab Prezident, Siz artıq dünya fatehləri sırasında xüsusi yer tutan şəxsiyyətlərdən birinə çevrilmisiniz. Sizin rəhbərliyiniz, titanik fəaliyyətiniz, səbirliliyiniz, təmkinliyiniz, zərgər dəqiqliyi ilə hesablanmış addımlarınız və Azərbaycan ordusunun polad iradəsi, cəngavərliyi, igidliyi ilə dünya Azərbaycanlılarının, türk dünyasının və Azərbaycan dövlətini sevən insanların arzularının çin olmasına nail olmuşdur.

Bu 44 günlük möhtəşəm qələbəni sizin qətiyyətiniz, sarsılmaz uzaqgörən siyasətiniz nəticəsində əldə etdik, mənfur erməniləri “iti qovan kimi” qovduq.

Cənab Prezident, bu yolda Sizinləyik, Sizi ürəkdən dəstəkləyir, Sizinlə fəxr edir, Sizi sevirik. Allah Sizi qorusun, eşq olsun Sizə!

Siz dünyaya sübut etdiniz ki, Qarabağ Azərbaycandır! Siz bizim əbədi Prezidentimizsiniz. Mən arzu edirəm ki, Siz Azərbaycan xalqının Milli Qəhrəmanı adına layiq görüləsiniz, çünki Siz həqiqətən də bizim Milli Qəhrəmanımızsınız. Biz xoşbəxtik ki, Azərbaycanın şanlı qələbəsini tarixin səhifəsinə qızıl hərflərlə yazan cəsur, polad iradəli, siyasət meydanında yüksək idrak nümayiş etdirən Sizin kimi təcrübəli bir Liderimiz var.

Azərbaycanın bütün sahələrinin inkişafı uğrunda müqəddəs fəaliyyətinizdə yorulmaz uğurlar diləyirəm. Sizin kimi Prezidentimiz olduğuna, Sizin seçiciniz olduğuma görə çox məmnun və xoşbəxtəm. Sizə və ailə üzvlərinizə möhkəm cansağlığı, Azərbaycanın rifahı naminə uğurlar arzulayıram.

Allah Sizi qorusun!

Dərin hörmətlə,

Çingiz Məmmədov

Əməkdar mühəndis

Azərbaycan Respublikası, Bakı şəhəri.