Məhəmməd Süleymanovdan, Abşeron, Azərbaycan

Hörmətli Prezident, cənab Ali Baş Komandan.

Siz təkcə Azərbaycanın qəhrəmanı deyilsiniz, həm də dünya azərbaycanlılarının qəhrəmanısınız. Buna görə də arzulayıram ki, Sizə "Azərbaycanın Milli Qəhrəmanı" və ya "Vətən Müharibəsi Qəhrəmanı" adı verilsin.

Cənab Prezident, mən Sizin insanpərvərliyinizin, humanistliyinizin, uzaqgörən siyasətinizin hər zaman pərəstişkarı olmuşam və yenə də onu dəstəkləyirəm.

Siz Vətən müharibəsindəki Qələbəmizi xalqa elan edəndə hamımız bir nəfər kimi sevindik, bir daha Sizin müdrik siyasi xadim, böyük qəhrəman olduğunuza əmin olduq. Mən qəti əmin idim ki, Sizin uzaqgörən siyasətiniz, qətiyyətiniz Qələbəmizi şərtləndirəcək. Bütün addımlarınız, qəbul etdiyiniz qərarlar Sizin böyük lider və Azərbaycanın qurucusu, ulu öndər Heydər Əliyevin layiqli davamçısı olduğunuzun bariz nümunəsidir. 1990-cı illərdə ümummilli liderimiz Heydər Əliyev olmasaydı, Azərbaycanın gələcəyi təhlükə altında düşərdi.

Allah Ulu Öndərimizə rəhmət eləsin, Sizə və ailənizə cansağlığı versin. Arzu edirəm ki, Siz bizim daimi Prezidentimiz olasınız.

Yaşasın Milli Qəhrəman, Vətən Müharibəsi Qəhrəmanı İlham Əliyev!

Yaşasın dünya azərbaycanlıları, türk milləti! Tanrı türkə yar olsun!

Hörmətlə,

Süleymanov Məhəmməd Tahir oğlu.

Azərbaycan Respublikası, Abşeron rayonu, Hökməli qəsəbəsi.