Zubeyir Quliyevdən, Salyan, Azərbaycan

Möhtərəm cənab Prezident.

Siz "dəmir yumruğun" sahibi olaraq Azərbaycanı bütün bəlalardan göz bəbəyiniz kimi qorudunuz, 30 illik həsrətə 44 gün ərzində son qoydunuz. Buna Sizin müdrik siyasətiniz və qüdrətli Ordumuz sayəsində nail olundu.

Cənab Müzəffər Ali Baş Komandan, Siz təkcə erməni terroruna deyil, həm də bu terrora havadarlıq edənlərə qalib gəldiniz.

Bu günlərdə dost münasibətini bizdən əsirgəməyən türk xalqına da təşəkkür edirik. Allah bir millət, iki dövlət olan Azərbaycan ilə Türkiyənin birliyini qorusun.

Cənab Prezident, mənim 83 yaşım var. Bir ağsaqqal olaraq Sizi Cənubi Qafqazın Lideri hesab edirəm. Siz öz adınızı tarixə qızıl hərflərlə yazdınız. Allah Sizi qorusun!

Vətən müharibəsi günlərində əsl qəhrəmanlıq göstərən, şəhidlik zirvəsinə ucalan övladlarımızın valideynləri qarşısında baş əyirəm. Allah bütün şəhidlərimizə rəhmət eləsin.

Yaşasın Azərbaycan!

Yaşasın Azərbaycan əsgəri!

Qarabağ Azərbaycandır!

Hörmətlə,

Quliyev Zubeyir Salman oğlu.

Azərbaycan Respublikası, Salyan rayonu, Kərimbəyli kəndi.