Ağadadaş Həsənovdan, Sabirabad, Azərbaycan

Möhtərəm cənab Prezident, Müzəffər Ali Baş Komandan.

Sizi Qələbə münasibətilə şəxsən öz adımdan və ailəmiz adından təbrik edirəm. Bu böyük Qələbə ilə Siz dövlətimizin və xalqımızın azad gələcəyini təmin etməklə yanaşı, həm də keçmişimizin məruz qaldığı haqsızlıqların, ədalətsizliklərin qisasını aldınız. Belə qısa bir zamanda təqvimimizdən işğal tarixi günlərini silərək, yerinə al qırmızı zəfər bayramları yazdınız. Siz bütün türk dünyasının, eləcə də bu haqq işimizdə bizi dəstəkləyən digər insanların dillər əzbərinə çevrilmiş “Qarabağ Azərbaycandır!” şüarı ilə başlanan savaşı tərəddüdsüz, məğrurcasına, qətiyyətlə qazandınız. Ölkəmizdə dövlətini, Bayrağını canından çox sevən məğrur və qürurlu yeni bir nəslin yetişməsinin, formalaşmasının əsasını qoydunuz.

Yaşasın müzəffər Ali Baş Komandan!

Yaşasın şanlı Azərbaycan Ordusu!

Qarabağ bizimdir! Qarabağ Azərbaycandır!

Hörmətlə,

Həsənov Ağadadaş İkram oğlu

Azərbaycan Respublikası, Sabirabad rayonu.