Zaur Quliyevdən, Bakı, Azərbaycan

Hörmətli Prezident, Müzəffər Ali Baş Komandan.

İlk növbədə, İkinci Qarabağ müharibəsində qazanılan zəfər münasibətilə şəxsən Sizə minnətdarlığımı bildirmək istərdim. Bu zəfər bizim qürurumuzu, mənliyimizi özümüzə qaytarmaqla yanaşı, beynəlxalq aləmdə mübariz və haqqını tələb edən bir ölkə kimi tanınmağımızda böyük rol oynadı.

Təklif edirəm ki, 2-ci Qarabağ müharibəsi və zəfəri ilə bağlı sənədli film çəkilsin. Bu filmdə dünyaca məşhur aktyorlardan istifadə olunması onun dünya reytinqi qazanmasına səbəb ola bilər. Bununla biz həm dünyaya öz haqlı mövqeyimizi daha geniş çatdıra bilərik, həm də mübarizliyimizi, xalqımızı və ölkəmizi daha çox və fərqli prizmadan tanıda bilərik. Filmdən gələn gəliri isə şəhid ailələrinə və qazilərimizə yönləndirə bilərik. Beləliklə, dünyada həm iqtisadi, sosial, həm də multikulturalizm nümunəsi olan Azərbaycanımızın Qarabağ Müharibəsini əbədiləşdirə bilərik.

Bir daha Sizi, xalqımızı və rəşadətli Ordumuzu təbrik edirəm və azərbaycanlı olmağımla hər zamankı kimi fəxr edirəm.

Hörmətlə,

Zaur Quliyev

Azərbaycan Respublikası, Bakı şəhəri, Yasamal rayonu.