Möhübbət Bədəlovdan, Naftalan, Azərbaycan

Hörmətli cənab Prezident,

Dahi Heydər Əliyevin siyasi kursunu layiqincə davam etdirən Müzəffər Ali Baş Komandan, Siz 50 milyonluq azərbaycanlının lideri və Türk dünyasının ikinci Atatürküsünüz.

30 ildir düşmən tapdağı altında inləyən Azərbaycan torpağını, həm də yüz illərdir o torpaqlarda uyuyan əzizlərimizin ruhlarını da sevindirdiniz. Azərbaycanımızın musiqi məkanı olan Qarabağı və Şuşanı işğaldan azad etməklə Vətənimizin yeni şanlı tarixini yazdınız. Bu, liderliyin başqa bir cəhətidir. Vətən, millət və Tanrı qarşısında seçilməkdir. Sizin adınız tarixdə Qarabağın xilaskarı, Azərbaycanın bütövlüyünün memarı və Qələbəmizin sərkərdəsi kimi əbədi qalacaq. Bütün Türk dünyası bu Qələbə sevincini birlikdə qeyd edir. Sizin bu şanlı Qələbəniz 1918-ci ildəki erməni daşnakları üzərindəki qələbəni bir daha təkrarladı. Bu Qələbə Sizin valideynlərinizin – ulu öndər Heydər Əliyevin və dəyərli Zərifə xanım Əliyevanın da ruhunu şad etdi.

Cənab Prezident, Sizə öz minnətdarlığımızı ifadə etmək üçün söz acizdir. Biz öz liderimizi, öz Ali Baş Komandanımızı daha uca zirvələrdə görürük. Bu Qələbə münasibətilə Sizi və komandanı olduğunuz Müzəffər Azərbaycanın Silahlı Qüvvələrinin hər bir üzvünü təbrik edirik.

Uca Allah Sizləri qorusun!

Hörmətlə,

Bədəlov Möhübbət.

Azərbaycan Respublikası, Naftalan şəhəri.