Tofiq Abbasovdan, Ağdam, Azərbaycan

Müzəffər Ali Baş Komandan.

Siz müdrik siyasətiniz və haqlı mübarizəniz nəticəsində qazandığınız möhtəşəm qələbə ilə adınızı qızıl hərflərlə tarixə yazdınız. Siz bir daha dünyaya Azərbaycanın güclü dövlət olduğunu göstərdiniz. Bunun üçün Sizə təşəkkürümüzü bildiririk. Azərbaycan xalqı tam olaraq Sizin arxanızdadır, Sizinlə qürur duyur. Bu çətin, lakin şərəfli işinizdə Sizə və rəşadətli Ordumuza uğurlar arzulayırıq.

Əziz və sevimli Prezidentim, Azərbaycanın hansı bölgəsində yaşamağımıza baxmayaraq ürəyimiz həmişə Ana torpaqla - üstündə ilk addımlarımızı atdığımız, uğrunda canımızı fəda etməyə hazır olduğumuz müqəddəs torpaqla Qarabağla döyünür.

Bu müqəddəs torpaq üçün əbədiyyətə qovuşan şəhidlərimizin və onları boya- başa çatdıran valideynlərinin qarşısında baş əyirik.

Allah Ordumuza güc və qüvvət versin. Uca Allah Sizə və müzəffər Ordumuza yar olsun!

Qələbə bizimdir!

Qarabağ Azərbaycandır!

Hörmətlə,

Tofiq Abbasov

Qarabağ müharibəsi əlili

Azərbaycan Respublikası, Ağdam rayonu.