Tofiq Cəfərovdan, Ağcabədi, Azərbaycan

Hörmətli Prezident, Müzəffər Ali Baş Komandan!

Sizin komandanlığınızla şanlı Ordumuzun düşmənə layiqli cavablar verərək 30 il işğal altında qalan torpaqlarımızı qəhrəmanlıqla azad etməsi bütün xalqımız kimi bizi də ürəkdən sevindirdi. Bu gün bütün türk dünyası bu tarixi Qələbənin sevincini yaşayır. Bu hisslərin səbəbkarı Siz oldunuz cənab Ali Baş Komandan. Xalqımız hər zaman Sizə güvənir və yürütdüyünüz siyasəti ürəkdən dəstəkləyir. Sizinlə, Ordumuzla fəxr edirik. Siz qətiyyətlə haqq-ədaləti bərpa edərək, xalqımızın inamını yenidən özünə qaytardınız.

Cənab Prezident, bir daha Sizi və müzəffər Ordumuzu Qələbə münasibətilə rəhbəri olduğum Ağcabədi şəhər Ü.Hacıbəyli adına Qarabağ Muğam Mərkəzinin bütün kollektivi adından təbrik edirik.

Ulu Tanrı Sizi, Azərbaycan Ordusunu, əsgər və zabitlərimizi qorusun!

Qarabağ bizimdir! Qarabağ Azərbaycandır!

Hörmətlə,

Cəfərov Tofiq,

Ağcabədi şəhər Ü.Hacıbəyli adına Qarabağ Muğam Mərkəzinin kollektivi adından, mərkəzin direktoru.

Azərbaycan Respublikası, Ağcabədi rayonu.