Minaxanım Hüseynovadan, Bakı, Azərbaycan

 Möhtərəm cənab Prezident.

Vətənin bu çətin anlarında Sizin Müzəffər Ali Baş Komandan olaraq, igid sərkərdə kimi öz xalqının başında rəşadətlə, inamla, hünərlə dayanmağınız bütün xalq üçün bir fəxr, qürur hissidir. Xalq bu gün bilir ki, düşmənin önündə dağ vüqarlı Ali Baş Komandan durur. Bu, xalqımızın və əsgərlərimizin gücünü birə-beş artırır.

Ulu Öndərimizin vəsiyyətini yerinə yetirərək Vətəni erməni faşizmindən azad etdiniz. Sizə Allahdan cansağlığı, getdiyiniz bu yolda uğurlar arzulayıram.

Mən bir yazar olaraq Vətənini sevən hər bir azərbaycanlı adından Sizə ürəkdən minnətdarlığımı bildirir və “Azərbaycanın başı üzərindən əskik olmayasınız” deyirəm.

Azərbaycan –Türkiyə

Türkün səsi hey oldu,

İki bayraq cüt oldu,

Dar gündə sirdaş oldu

İlham ilə Ərdoğan –

İki igid qəhrəman.

İki qardaş, iki qan,

Bir ürəkdə iki can

Türkiyə – Azərbaycan!

İlham ilə Ərdoğan –

İki igid qəhrəman.

Bir torpaqdan güc aldınız,

Bir Vətəndə ucaldınız,

Düşmənə sipər oldunuz,

İlham ilə Ərdoğan –

İki igid qəhrəman.

Azərbaycan – Türkiyə!

Bir millət iki ölkə.

Bir yumruqda birləşdi

İlham ilə Ərdoğan –

İki igid qəhrəman.

Hörmətlə,

Hüseynova Minaxanım İsmayıl qızı

Azərbaycan Respublikası, Bakı şəhəri, Yeni Günəşli qəsəbəsi.