Səyyah Şahverdiyevdən, Abşeron, Azərbaycan

Hörmətli Prezident, müzəffər Ali Baş Komandan.

Son bir ayda xalqımıza və ürəyi bizimlə birlikdə döyünən bütün türk millətinə yaşatdığınız sevinc və qürur hisslərinə görə Sizə minnətdarlığımı bildirirəm. Siz 30 il boyunca ürəklərimizdə bəslədiyimiz intiqam arzumuzu gerçəkləşdirdiniz, bu imkanı bizə bəxş etdiniz. Biz Sizə güvənirdik, bundan sonra da güvənəcəyik!

Birinci Qarabağ müharibəsi zamanı müxtəlif işğəncələrə məruz qoyularaq öldürülən dinc sakinlərin və qəhrəmancasına şəhid olan əsgərlərimizin qisası Sizin komandanlığınız altında şanlı Ordumuz tərəfindən layiqincə alınır. Bina görə Sizə və qəhrəman əsgərlərimizə nə qədər təşəkkür etsək, yenə azdır.

Bütün dualarımız Sizə və rəşadətli Ordumuzadır. Allah Sizi, ailənizi və bütün əsgər-zabitlərimizi qorusun!

Qarabağ Azərbaycandır!

Hörmətlə,

Səyyah Şahverdiyev

Cəbrayıl rayonu Böyük Mərcanlı kəndindən məcburi köçkün

Azərbaycan Respublikası, Abşeron rayonu.