Seyfəddin Səmədovdan, Abşeron, Azərbaycan

Müzəffər Ali Baş Komandan.

Xalq Sizinlə fəxr edir, çünki düşmənimiz olan ermənilər və onların havadarları Sizin uzaqgörən siyasətiniz sayəsində Ordumuzun və Azərbaycan xalqı qarşısında diz çökdü. Tarixən itirilə-itirilə gedən torpaqlarımızı yalnız Siz addım-addım geri alırsınız, şanlı tariximizi qızıl hərflərlə yenidən yazırsınız.

Prinsipial, qətiyyətli addımlarınızdan Ordumuz və xalqımız ruhlanır.

Müzəffər Ali Baş Komandan, işğal olunmuş digər torpaqlarımızla yanaşı Zəngilan şəhərinin və rayonunun bir çox kəndlərinin azad olunması xəbəri ilə hər bir zəngilanlının 27 illik torpaq həsrətinə son qoymaqla biz zəngilanlıları çox sevindirdiniz. Bizə yeni həyat bəxş etdiniz. Sizi davamlı qələbələr münasibətilə təbrik edirik. Sizin və Ordumuzun qarşınızda baş əyirik.

Hörmətli Prezidentimiz, arzum budur Sizinlə Zəngilanda görüşək.

Allah Sizi, Ordumuzu, xalqımızı və Türk Birliyini qorusun.

Hörmətlə,

Seyfəddin Səmədov

Azərbaycan Respublikası, Abşeron rayonu, Xırdalan şəhəri.