İlqar Mirabdullayevdən, Gədəbəy, Azərbaycan

Hörmətli Prezident, cənab Ali Baş Komandan!

Başda Siz olmaqla şanlı Ordumuzu, bütün xalqımızı, Türk dünyasını, ölkəmizə dəstək olanların hamısını bu uğurlarımız münasibətilə təbrik edirəm. Allah Ulu Öndər Heydər Əliyevə rəhmət eləsin. O dövlətimizin təməlini qurdu. Siz isə səbirlə, siyasətlə, sənədlə, güclü ordu yaratmaqla Qarabağımızı işğalçı ermənilərdən geri alırsınız. Buna görə hər birimiz sevinirik. Mən həmişə dua edirdim ki, Allah Sizə uzun ömür versin ki, Qarabağımızı erməni quldurlarından azad edəsiniz.

Mən özüm də müharibə iştirakçısı olmuşam, yenə də torpaqların azadlığı və şəhidlərimizin intiqamı uğrunda vuruşmağa hazıram. Allah şəhidlərimizə rəhmət eləsin.

Allah Sizi, ailənizi, şanlı Ordumuzu və bütün Azərbaycanımızı var eləsin. Xeyirli nə varsa hər birimizin üzərinə etsin, zərərli nə varsa, onlardan qorusun. Allah Sizi dünyanın hər yerində və ölkəmizdə daim qalib etsin, cənab Prezident!

Hörmətlə,

Mirabdullayev İlqar Qafar oğlu.

Azərbaycan Respublikası, Gədəbəy rayonu, Arıxdam kəndi.