Xəzər Babayevdən, Abşeron, Azərbaycan

Hörmətli cənab Prezident.

Sizin sayənizdə Azərbaycan Ordusunun zəfər yürüşləri bütün xalqımızı, o cümlədən “Zirvə” liseyinin kollektivini də çox sevindirir. Şanlı ordumuzun əks-hücuma başladığı andan bizdə ruh yüksəkliyi və qələbənin yaxınlaşması duyğuları hiss olunur.

Möhtərəm cənab Prezident, “Zirvə” liseyinin kollektivi Sizin atdığınız hər bir addımı daim dəstəkləyir və həmişə Sizə güvənir. Vətən uğrunda canından keçən şəhidlərimizə Allahdan rəhmət, cəbhə xəttində düşmənlə üz-üzə dayanan hərbiçilərimizə isə möhkəm olmalarını diləyir və onlara cansağlığı arzu edirik.

Cənab Ali Baş Komandan, biz Sizinlə qürur duyaraq əminliklə inanırıq ki, Sizin rəhbərliyinizlə məhz ardıcıl, davamlı, uzaqgörən və uğurlu siyasətinizin nəticəsində tezliklə torpaqlarımız işğaldan tam azad olunacaq, ölkəmizin ərazi bütövlüyü bərpa ediləcək və bizə zəfər bayramı sevinci bəxş olunacaqdır. Allah Siz başda olmaqla bütün Azərbaycan xalqını, Ordumuzu və bütün türk dünyasını qorusun.

Hörmətlə,

Xəzər Babayev

“Zirvə” liseyinin direktoru

Azərbaycan Respublikası, Abşeron rayonu, Xırdalan şəhəri.