Asif Ələkbərovdan, Bakı, Azərbaycan

Hörmətli Ali Baş Komandan.

Azərbaycanın xilaskarı, ulu türk oğlu, Sizə Allahdan uzun ömür, cansağlığı arzu edirəm.

Cənab Prezident, Sizin verdiyiniz bütün qərarları, atdığınız hər bir addımı bəyənir və dəstəkləyirik.

Sentyabr ayının 27-dən indiyədək mənim göz yaşım qurumur. Ulu Naxçıvan torpağının bir övladı kimi Sizdən bir xahişim var, məni də cəbhə bölgəsinə yollayın. Dəfələrlə müraciət etməyimə baxmayaraq, yaşımın çox olmasını əsas gətirərək, məni döyüş bölgəsinə göndərmirlər. Mən igid əsgərlərimizə hər hansı formada kömək edərəmsə, təskinlik tapa bilərəm. Heç olmasa təcili tibbi yardım maşını ilə təmin edilərək Ordumuza xidmət edim. Mən hər zaman Sizin əmrinizə müntəzir bir əsgərəm.

Azərbaycan uğrunda gördüyünüz bütün işlər qarşısında baş əyirəm.

Hörmətlə,

Asif Ələkbərov

Azərbaycan Respublikası, Bakı şəhəri, Yasamal rayonu.