Maarif Əsədov və başqalarından, Ağcabədi, Azərbaycan

Hörmətli cənab Prezident.

Bütün bəşəriyyəti caynağına almış koronovirus pandemiyası Sizin qabaqlayıcı tədbirlərinizin qarşısında geri çəkildi. Son zamanlar dəmir kəsərli çıxışlarınız sübut edir ki, Siz bərki-boşu görmüş mükəmməl siyasətçisiniz, təkcə Azərbaycanda deyil, bütün türk dünyasında sevilirsiniz.

Bu ərəfədə həmişəki kimi əhalinin aztəminatlı təbəqəsini diqqətdə saxlamanız, onların rifahı üçün böyük məbləğdə pul ayırmanız Ağcabədi rayonunda məskunlaşan laçınlı məcburi köçkünlərin yaşayışına da müsbət təsir göstərib.

Bizə göstərdiyiniz qayğıya görə Sizə təşəkkürümüzü bildirir, ölkəmizin gələcəyi və firavanlığı naminə yorulmaz fəaliyyətinizdə uğurlar arzulayırıq.

Hörmətlə,

Əsədov Maarif

Bəylərov Əlqəmə

Quliyev Vaqif

Hüseynov Murad

Laçın rayonundan məcburi köçkünlər

Azərbaycan Respublikası, Ağcabədi rayonu.