Bəxtiyar Allahverdiyevdən, Ağdam, Azərbaycan

Hörmətli cənab Prezident.

Soçi şəhərində keçirilən “Valday” Beynəlxalq Diskussiya Klubunun plenar sessiyasındakı çıxışınızın hər kəlməsi ürəyimizi dağa döndərdi. Biz Sizinlə fəxr edirik və bir əmrinizlə doğma yurdumuzu azad etməyə hazırıq, cənab Ali Baş Komandan.

Cəsarətli addımlarınızla bizi ruhlandırır, yaxın günlərdə doğma yurdumuza qayıdacağımıza əminlik yaradırsınız.

Bilirik, bizə yaradılan şərait tez bir zamanda Qarabağda təkrarlanacaq, dilbər guşələr yeni inkişaf yoluna qədəm qoyacaq.

Sizə bütün məcburi köçkünlər adından minnətdarlıq bildirir, gələcək uğurlarınızı gözləyirik.

Hörmətlə,

Allahverdiyev Bəxtiyar Hidayət oğlu,

Əmirov Niyaz Barat oğlu,

Allahverdiyev Vidadi Əbdüləzim oğlu

Azərbaycan Respublikası, Ağdam rayonu, Çullu kəndi.