Məmmədəli Əlinağıyevdən, Masallı, Azərbaycan

Hörmətli cənab Prezident.

Masallı rayonunun Masallı-Köhnə Alvadı-Təzə Alvadı-Güllütəpə-Əmirtürbə-Yeni Zuvand avtomobil yolunun tikintisi ilə əlaqədar imzaladığınız Sərəncama uyğun olaraq yolun inşası uğurla həyata keçirilir. Bu yolun qonşu kəndlərin sakinləri ilə yanaşı, bizim kəndin camaatı üçün əhəmiyyəti çox böyükdür. Yolun istifadəyə verilməsi rayon mərkəzinə çıxışımızı asanlaşdıracaq, mənzilbaşına tez və rahat çatmağımıza şərait yaradacaq.

Cənab Prezident, yol çəkmək həyatda ən savab işlərdən biridir. Məqsədyönlü və xeyirxah işlərinizə, xalqa bəxş etdiyiniz sanballı töhfələrə görə çox sağ olun.

Yolunuz hər zaman işıqlı və hamar olsun!

Hörmətlə,

Əlinağıyev Məmmədəli Abbasqulu oğlu.

Azərbaycan Respublikası, Masallı rayonu, Güllütəpə rayonu.