Hidayət Vəliyevdən, Masallı, Azərbaycan

Hörmətli cənab Prezident.

Biz şəhid ailələrini diqqətdə saxladığınıza, bizə göstərdiyiniz qayğıya görə Sizə dərin minnətdarlığımızı bildiririk.

Sizin imzaladığınız Fərmana əsasən 11 min manat birdəfəlik ödəməni vaxtında və maneəsiz aldıq. Bu mühüm addım Sizin xeyirxahlığınızın və humanistliyinizin daha bir sübutdur. Biz həmişə Sizin tərəfinizdən qayğı və diqqətlə əhatə olunmuşuq. Bayram günlərində də şəhid ailələrinə diqqət göstərilir, onlara sovqat verilir.

Bu diqqət və qayğıya görə şəhid ailələri adından bir daha Sizə təşəkkür edir, uzun ömür, möhkəm cansağlığı arzulayırıq. Biz hər zaman Sizin duaçınızıq.

Hörmətlə,

Vəliyev Hidayət Rza oğlu, şəhid atası.

Azərbaycan Respublikası, Masallı rayonu, Qarğalıq kəndi.