Barat Alışanovdan, Cəlilabad, Azərbaycan

Hörmətli cənab Prezident,

Respublikamızda müşahidə olunan sürətli sosial-iqtisadi inkişaf meyilləri bizim Cəlilabad rayonunda da özünü göstərir. Rayonumuz gündən-günə çiçəklənir, insanların həyat şəraiti yaxşılaşır. Kəndlərdə də gözəl işlər görülür, insanları narahat edən problemlər aradan qaldırılır. Sizin böyük diqqət ayırdığınız kənd yollarının yenidən qurulması əhalinin işini asanlaşdırır.

Həmçinin qeyd etmək istəyirəm ki, respublikamızın inkişafını həzm edə bilməyən bəzi qüvvələrin ölkəmizdə çaxnaşma yaratmaq və sabitliyi pozmaq cəhdlərinin hər dəfə puç olması Azərbaycan dövlətinin qüdrətindən xəbər verir. Ötən ay baş verən Gəncə hadisələri bunu bir daha göstərdi. Biz Gəncə hadisələrini qətiyyətlə pisləyir, dövlətçiliyimizi dəstəkləyirik.

Cənab Prezident, Sizə uzun ömür, cansağlığı arzu edirəm.

Hörmətlə,

Alışanov Barat

Azərbaycan Respublikası, Cəlilabad rayonu, Maşlıq kəndi