Fuad Əliyev və başqalarından, Gəncə, Azərbaycan

Möhtərəm cənab Prezident.

Azərbaycanımızın hər yerində olduğu kimi, Gəncə şəhərində də sosial-iqtisadi sahədə böyük tərəqqi əldə edilib, insanların dövlətə və dövlətçiliyə inamı artıb, maddi rifahı yüksəlib.

Şəhər sakinləri Sizin Gəncəyə hər gəlişinizi böyük ruh yüksəkliyi ilə gözləyirlər. Çünki Sizin hər gəlişiniz yeni istehsal sahələrinin, elm və təhsil ocaqlarının, mədəniyyət mərkəzlərinin, muzeylərin açılışı ilə əlamətdar olur.

Xüsusilə son illərdə qədim Gəncədə şəhərin tarixi və memarlıq üslubu qorunub saxlanmaqla yeni qəsəbələr, prospektlər, küçələr, muzeylər, tarixi-dini abidələr, yeni parklar, xiyabanlar salınıb. Bununla da şəhər öz görünüşü tamamilə dəyişib. Gəncə şəhərinə son səfəriniz zamanı bunların bir qismi Sizə əyani olaraq təqdim edildi ki, bu da şəhərimizdə sosial-iqtisadi sahədə genişmiqyaslı quruculuq-abadlıq işlərinin həyata keçirildiyini göstərir.

Bu möhtəşəm işlər Sizin imzaladığınız sərəncamlar əsasında həyata keçirilib, yeni istehsal sahələrinin, iş yerlərinin açılmasına və şəhərimizin dinamik inkişafına səbəb olub.

Möhtərəm cənab Prezident, Azərbaycanın hər yerində olduğu kimi, Gəncə şəhərində də bu inkişafı gözü götürməyən mənfur düşmənlər hiylə və məkrli siyasətləri ilə xalqın dövlətə olan inamını sarsıtmağa, dövlətlə xalq arasında qarşıdurmalar yaratmağa cəhd ediblər. Öz xain planlarını həyata keçirmək üçün Azərbaycanın azadlığı və müstəqilliyi uğrunda canından keçmiş neçə-neçə igid övladların vətəni olan Gəncəni hədəf almaları bütün şəhər sakinlərini hiddətləndirib.

Biz gəncəlilər şəhərimizdə törədilən terror aktını və onun arxasında duran mənfur qüvvələri lənətləyirik. Bildiririk ki, tarixən dövlətə və xalqa bağlılığı ilə seçilən Gəncə sakinləri hər zaman olduğu kimi, bu gün də Sizin və dövlətimizin yanındadır, Ulu Öndərimizin yadigarı olan müstəqil Azərbaycanın bütövlüyünə, inkişafına və rifahına xidmət edən siyasətinizi ürəkdən dəstəkləyirlər. Biz hər zaman Sizinləyik.

Bir qrup Gəncə ziyalısı adından dərin hörmətlə,

Əliyev Fuad, AMEA-nın həqiqi üzvü

Həmzəyev Naqif, Yeni Azərbaycan Partiyası Gəncə şəhər təşkilatının sədri, Milli Məclisin deputatı

Kərimzadə Pərvin, fəlsəfə elmləri doktoru, Milli Məclisin deputatı

Cəfərov İbrahim, Azərbaycan Dövlət Aqrar Universitetinin rektoru, AMEA-nın müxbir üzvü, professor

Novruzov Vaqif, AMEA-nın müxbir üzvü, professor

Qurbanov Xalid, Gəncə Ağsaqqallar Şurasının sədri, professor

Yusifov Yusif, Gəncə Dövlət Universitetinin rektoru, professor

Süleymanov Akif, Azərbaycan Texnologiya Universitetinin rektoru, professor

Fətəliyev Kamil, professor

Seyidov Allahverdi, professor

Həsənov Zaur, professor

Sadıqov Həsənbala, professor

Mövsümov Elman, professor

Yusifov Nizami, professor

Qocayev Tofiq, professor

Bağırov Bayram, professor

Məmmədov Nurəddin, professor

Fətəliyev Hasil, professor

Nəbiyev Əhəd, professor

Əliyev Mirzə, professor

Quliyeva Gülsüm, fəlsəfə doktoru

Haqverdiyev Bəxtiyar, Gəncə Səhiyyə İdarəsinin rəisi

Hüseynov Zakir, Gəncə Regional Təhsil İdarəsinin rəisi

Hacıyev Sənan, Gəncə Regional Mədəniyyət və Turizm İdarəsinin rəisi

Qasımov Əli, Gəncə Dövlət Dram Teatrının direktoru

Elçiyev Elçin, Gəncə Dövlət Filarmoniyasının direktoru

Hüseynova Xəzangül, Azərbaycan Yazıçılar Birliyinin Gəncə Bölməsinin sədri

Rəhimova Ruziyə, Gəncə Musiqi Kollecinin direktoru

Zeynalov Fəxrəddin, Gəncə Regional Kollecinin direktoru

İbrahimov Azad, Elmi-Tədqiqat Bitki Mühafizə və Texniki Bitkilər İnstitutunun direktoru

Mustafayev Nizami, Gəncə Regional Poçt filialının rəisi.

Azərbaycan Respublikası, Gəncə şəhəri.