Barat Şahgəldiyev və başqalarından, Yevlax, Azərbaycan

Hörmətli cənab Prezident.

Sizin həyata keçirdiyiniz uğurlu siyasət nəticəsində ölkəmiz gündən-günə inkişaf edir, şəhər və rayonlarımız, kənd və qəsəbələrimiz gözəlləşir, insanların güzəranı yaxşılaşır, sosial problemlər həll olunur.

Bizim yaşadığımız Yevlax rayonunun Qaraməmmədli kəndi rayon mərkəzindən uzaqda yerləşir. Kəndimizə gələn elektrik xətti bir neçə kəndin ərazisindən keçdiyindən və xəttin istifadəçiləri çox olduğundan əhalinin və Yuxarı Qarabağ kanalının üzərindəki su nasos stansiyasının elektrik enerjisi ilə davamlı təmin olunmasında çətinliklər yaranmışdı. Bu günlərdə Malbinəsi yarımstansiyasından kəndimizə 6,5 kilometr uzunluğunda yeni elektrik xətti çəkildi və 4 meqavat gücündə transformator qoyuldu. Bununla da həm bizim, həm də qonşu Rüstəmli kəndinin əhalisinin elektrik enerjisi ilə fasiləsiz təminatı və əkin sahələrinin suvarılması problemi həll olundu.

Cənab Prezident, buna görə Sizə dərin minnətdarlığımızı və təşəkkürümüzü bildiririk. Allah Sizi qorusun.

Hörmətlə,

Şahgəldiyev Barat

Əliyeva Cəmilə

Hətəmov Müseyib

Hüseynov​ Qərib və başqaları.

Azərbaycan Respublikası, Yevlax rayonu, Qaraməmmədli kəndi.