İlham Əliyev Tailandın Azərbaycanda yeni təyin olunmuş səfirinin etimadnaməsini qəbul etmişdir

10 mart 2011, 20:00

Prezident İlham Əliyev Tailand Krallığının ölkəmizdə yeni təyin olunmuş fövqəladə və səlahiyyətli səfiri xanım Arbhorn Manasvaniçin etimadnaməsini qəbul etmişdir.

Səfir fəxri qarovul dəstəsinin qarşısından keçdi.

Xanım Arbhorn Manasvaniç etimadnaməsini Prezident İlham Əliyevə təqdim etdi.

Sonra Azərbaycan Prezidenti səfirlə söhbət etdi.

Dövlət başçısı əminliklə bildirdi ki, ikitərəfli münasibətlərimizin inkişaf etdirilməsi üçün ölkələrimiz arasında daha sıx əməkdaşlığın həyata keçirilməsi zəruridir. Azərbaycan ilə Tailand Krallığı arasında siyasi əlaqələrin möhkəmləndirilməsinin vacibliyini vurğulayan Prezident İlham Əliyev əməkdaşlığımızın müxtəlif istiqamətlərdə - iqtisadi, energetika, turizm və bir sıra digər sahələrdə genişləndirilməsi üzərində çalışmağın önəmini qeyd etdi. Dövlətimizin başçısı Azərbaycan tərəfinin Tailandın daha çoxlu sayda şirkətlərinin ölkəmizə gəlməsinə maraqlı olduğunu dedi. Prezident İlham Əliyev ölkələrimizin iş adamları arasında bir-birini daha yaxşı tanımaq üçün qarşılıqlı maraqların olduğunu da qeyd etdi. Dövlətimizin başçısı xanım Arbhorn Manasvaniçin səfir kimi Azərbaycandakı fəaliyyətinin ikitərəfli əlaqələrimizin inkişafına töhfə verəcəyinə əminliyini bildirdi.

Səfir xanım Arbhorn Manasvaniç Tailand Kralı Bhumibol Adulyadejin salamlarını dövlətimizin başçısına çatdırdı.

Azərbaycan ilə Tailand arasında ikitərəfli əlaqələri inkişaf etdirmək üçün yaxşı potensialın olduğunu bildirən xanım Arbhorn Manasvaniç əməkdaşlıq imkanları ilə yaxından tanış olmaq və ticarət əlaqələrinin genişləndirilməsi üçün ölkəsini təmsil edən iş adamlarının özü ilə birgə Azərbaycana gəldiyini dedi. O, Azərbaycanda tailandlılardan ibarət kiçik bir icmanın yaşadığını da bildirdi.

Dövlət başçısı Kralı Bhumibol Adulyadejin salamlarına görə minnətdarlığını bildirdi, onun da salamlarını Tailandın dövlət başçısına çatdırmağı xahiş etdi.

SƏNƏDLƏRFərmanlar23 aprel 2019
16:30
Azərbaycan Respublikası Hökuməti ilə Birləşmiş Millətlər Təşkilatının Təhsil, Elm və Mədəniyyət üzrə Təşkilatı (YUNESKO) arasında Ümumdünya İrs Komitəsinin 43-cü sessiyası ilə bağlı Sazişin təsdiq edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 17-ci bəndini rəhbər tutaraq qərara alıram:

1. Azərbaycan Respublikası Hökuməti ilə Birləşmiş Millətlər Təşkilatının Təhsil, Elm və Mədəniyyət üzrə...

23 aprel 2019, 16:30
SƏNƏDLƏRSərəncamlar23 aprel 2019
16:25
1941-1945-ci illərdə İkinci Dünya müharibəsində iştirak etmiş, həlak olmuş və ya sonralar vəfat etmiş döyüşçülərin dul arvadlarına, arxa cəbhədə fədakar əməyinə görə orden və medallarla təltif edilmiş şəxslərə birdəfəlik maddi yardım verilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, İkinci Dünya müharibəsində Qələbənin 74-cü ildönümü ilə əlaqədar qərara alıram:

1. 1941-1945-ci illərdə İkinci Dünya ...

23 aprel 2019, 16:25