İlham Əliyev “AİTF-2013” Xll Azərbaycan Beynəlxalq turizm və səyahətlər sərgisi ilə tanış olmuşdur

05 aprel 2013, 11:15

Prezident İlham Əliyev və xanımı Mehriban Əliyeva Bakıda keçirilən “AİTF-2013” XII Azərbaycan Beynəlxalq turizm və səyahətlər, həmçinin “HOREX Caucasus 2013” VII Qafqaz Beynəlxalq mehmanxana, restoran və supermarketlər üçün avadanlıq və ləvazimatlar sərgiləri ilə tanış olmuşlar.

Mədəniyyət və turizm naziri Əbülfəs Qarayev dövlətimizin başçısına və xanımına məlumat verdi ki, son illər Azərbaycanın turizm potensialını nümayiş etdirmək məqsədi ilə keçirilən bir sıra mühüm tədbirlər bu sahəyə marağı daha da artırmışdır. Bu baxımdan Bakıda hər il ənənəvi keçirilən Beynəlxalq turizm və səyahətlər,  Qafqaz Beynəlxalq mehmanxana, restoran və supermarketlər üçün avadanlıq və ləvazimatlar sərgilərinin xüsusi rolu vardır.

Bildirildi ki, Azərbaycanın və ümumilikdə Cənubi Qafqaz regionunun turizm sənayesinin ən böyük ixtisaslaşdırılmış tədbiri - “AİTF” təsis edildiyi gündən etibarən maraqla qarşılanmış və böyük nüfuz qazanmışdır. Məhz buna görə də sərgi iştirakçılarının sayı ildən-ilə artır.

Diqqətə çatdırıldı ki, sərgidə bir sıra aviaxəttlər və avia-agentliklər həm milli qrupların tərkibində, həm də ayrıca stendlərdə təmsil olunur. Türkiyənin “Turkish Airlines”, Çinin “China Southern Airlines”, Qazaxıstanın “Air Astana”, Sloveniyanın “Adria Airways”, Yunanıstanın “Aegean Airlines” şirkətləri və digər aviaşirkətlər sərgidə ayrıca stendlərlə iştirak edirlər.

Dövlətimizin başçısı və xanımı sərginin pavilyonları ilə yaxından tanış oldular.

“Azərbaycanda istirahət” bölməsi ilə tanışlıq zamanı Prezident İlham Əliyevə və xanımına məlumat verildi ki, burada regionlarımızın iqlim xüsusiyyətləri, təbii ehtiyatları və çoxmillətli mədəniyyəti təqdim olunur. Sərgidə şəhər və rayonların ən məşhur kurort zonaları, mehmanxana və pansionatları barədə stendlər də nümayiş etdirilir.

Prezident İlham Əliyev və xanımı Mehriban Əliyeva Türkiyənin “Tanay” şirkətinin stendi ilə tanış oldular. Bildirildi ki, şirkət artıq 6 ildir Azərbaycanda uğurla fəaliyyət göstərir. Keyfiyyətli məhsulları ilə seçilən şirkət Azərbaycandakı mehmanxanaların 70 faizini öz məhsulları ilə təmin edir.

Almaniyanın “Wanzi” şirkəti ilə tanışlıq zamanı qeyd olundu ki, ilk dəfədir bu sərgidə iştirak edən şirkətin fəaliyyətinin əsas istiqaməti otel, istirahət və supermarketlər kompleksləri üçün avadanlıq hazırlamaqdır. Şirkət bu sahədə dünyada aparıcı qurumlardan hesab edilir və onun məhsulları yüksək keyfiyyəti ilə seçilir.

Dövlətimizin başçısı və xanımı İsveçrənin “Franke” şirkətinin stendi ilə də tanış oldular. Bildirildi ki, artıq 8 ildir Azərbaycan bazarında yerini tutan bu şirkət ölkədə fəaliyyət göstərən ictimai obyektlər üçün müxtəlif təyinatlı avadanlıqlar hazırlayır. Şirkətin məhsulları İsveçrə ilə yanaşı, İtaliya, Almaniya və Avstriyada istehsal olunur.

Azərbaycan Prezidentinin və xanımının tanış olduğu daha bir stend Almaniyanın “Mühldorfer” şirkətinə məxsus idi. Bildirildi ki, bu şirkət yataq dəstlərinin istehsalı üzrə dünyada aparıcı qurumlardan biridir. 1920-ci ildən fəaliyyət göstərən şirkət dünyanın müxtəlif ölkələrində otel və mehmanxana komplekslərini yataq dəstləri ilə təmin edir. Şirkətin məhsulları yüksək keyfiyyəti və rahatlığı ilə seçilir.

Avstriyanın “Kny Design” şirkətinin stendi ilə tanışlıq zamanı diqqətə çatdırıldı ki, bu şirkət işıq dizaynı və dekorativ işıqlandırma sahəsində dünyada böyük nüfuza malikdir. Şirkət işıqlandırma dizaynı sahəsində böyük layihələr reallaşdırır.

Prezident İlham Əliyevə və xanımı Mehriban Əliyevaya “AF Hotel-Aqua Park” ailəvi istirahət kompleksində yaradılan şərait barədə də məlumat verildi. Bildirildi ki, Xəzər dənizi sahilində yerləşən kompleks təkcə Azərbaycanda deyil, bütövlükdə Cənubi Qafqazda analoqu olmayan ailəvi istirahət mərkəzidir. Fəaliyyətə başladığı gündən kompleks həm xarici qonaqların, həm də yerli sakinlərin sevimli istirahət mərkəzinə çevrilmişdir. Qonaqlar burada yüksək səviyyədə otel, əyləncə və idman xidmətlərindən istifadə edə bilərlər.

Diqqətə çatdırıldı ki, “AF Hotel-Aqua Park” qonaqların arzusu ilə paytaxta və regionlara ekskursiyalar da təşkil edir.
İndoneziyanın stendi ilə tanış olan Prezident İlham Əliyevə və xanımına bu ölkənin turizm imkanları barədə məlumat verildi. Qeyd edildi ki, İndoneziya artıq ikinci dəfədir bu sərgidə iştirak edir.

Dövlətimizin başçısı və xanımı Birləşmiş Ərəb Əmirliklərinin stendi ilə də tanış oldular. Prezident İlham Əliyevə bu ölkənin, xüsusilə də Dubayın turizm imkanları barədə məlumat verildi. Bildirildi ki, Bakıdan Dubaya birbaşa aviareysin açılması qarşılıqlı turizm axınını təmin etməyə imkan yaradır.

Türkiyənin stendi ilə tanışlıq zamanı bildirildi ki, bu ölkə sərgidə geniş şəkildə iştirak edir. Türkiyəni təmsil edən şirkətlərin müxtəlif stendlərində ölkənin turizm marşrutları, infrastrukturu barədə geniş məlumatlar əksini tapmışdır.

Diqqətə çatdırıldı ki, son illərdə Türkiyədən Azərbaycana gələn turistlərin sayında artım qeydə alınmışdır. Türkiyənin turizm şirkətlərinin nümayəndələri Azərbaycanda keçirilən bu beynəlxalq sərgiyə böyük önəm verirlər.

Dövlətimizin başçısı və xanımı Bolqarıstan, Sloveniya və Monteneqronun stendləri ilə də tanış oldular.

Prezident İlham Əliyev və xanımı Mehriban Əliyeva sərgilərin işinə uğurlar arzuladılar.

Bu il “AİTF-2013” sərgisində 35 ölkədən 60-dan çox istiqaməti təmsil edən 251 şirkət iştirak edir. Sərgidə bir çox ölkələrin milli stendlərinin fəal iştirakı artıq ənənəyə çevrilmişdir. Builki sərgidə rekord sayda - 20 stend öz milli ekspozisiyası ilə iştirak edir. Onların arasında sərginin daimi iştirakçıları olan Türkiyə, Rusiya, Gürcüstan, Bolqarıstan, Kipr, Çexiya, Birləşmiş Ərəb Əmirlikləri, Sloveniya və Misirin milli qrupları vardır. Fransa, Macarıstan, İndoneziya, İran, Monteneqro, Mərakeş, Ukraynanın Krım Muxtar Respublikası, Tailand və Tunisin milli qrupları isə bu il ilk dəfə sərgiyə qatılmışlar.

Mədəniyyət və Turizm Nazirliyinin dəstəyi, “İTE Group plc” və onun tərəfdaşı “İteca Caspian” MMC-lərin təşkilatçılığı ilə keçirilən sərgi aprelin 6-da başa çatacaqdır. 

SƏNƏDLƏRFərmanlar10 iyul 2020
23:50
“Azərbaycan Respublikasının İnzibati Xətalar Məcəlləsində dəyişiklik edilməsi haqqında” Azərbaycan Respublikasının 2020-ci il 2 iyun tarixli 126-VIQD nömrəli Qanununun tətbiqi və Azərbaycan Respublikası Prezidentinin “Azərbaycan Respublikası İnzibati Xətalar Məcəlləsinin təsdiq edilməsi haqqında” Azərbaycan Respublikasının 2015-ci il 29 dekabr tarixli 96-VQ nömrəli Qanununun tətbiqi barədə” 2016-cı il 15 fevral tarixli 795 nömrəli və “Rayon (şəhər) məhkəmələrinin baxdığı inzibati xətalar haqqında işlər üzrə protokol tərtib etmək səlahiyyəti olan vəzifəli şəxslərin Siyahısı”nın təsdiq edilməsi barədə” 2017-ci il 3 may tarixli 1361 nömrəli fərmanlarında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Azərbaycan Respublikasının İnzibati Xətalar Məcəlləsində dəyişiklik edilməsi haqqında” Azərbaycan Respublikasının 2020-ci il 2 iyun tarixl...

10 iyul 2020, 23:50
SƏNƏDLƏRQanunlar10 iyul 2020
23:48
Azərbaycan Respublikasının Cinayət-Prosessual Məcəlləsində, “Prokurorluq haqqında”, “İcra məmurları haqqında”, “Vəkillər və vəkillik fəaliyyəti haqqında”, “Dövlət qulluğu haqqında”, “İcra haqqında”, “Azərbaycan Respublikasında dövlət dili haqqında”, “Ələt azad iqtisadi zonası haqqında” və “Mediasiya haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 5-ci və 6-cı bəndlərini rəhbər tutaraq, “Məhkəmələr və hakimlər haqqında” Azərbaycan Respublikasının Qanununda dəyişiklik edilməsi barədə” Azərbaycan ...

10 iyul 2020, 23:48
SƏNƏDLƏRQanunlar10 iyul 2020
23:47
“Onkoloji yardım haqqında”, “Ədliyyə orqanlarında qulluq keçmə haqqında”, “Atçılıq haqqında”, “Qeyri-dövlət (özəl) mühafizə fəaliyyəti haqqında”, “Penitensiar müəssisələrdə cəza çəkməkdən azad edilmiş şəxslərin sosial adaptasiyası haqqında”, “Sığorta fəaliyyəti haqqında”, “Könüllü fəaliyyət haqqında”, “Bədən tərbiyəsi və idman haqqında”, “Təhsil haqqında” və “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 1-ci bəndini rəhbər tutaraq, “Əlilliyi olan şəxslərin hüquqları haqqında” Azərbaycan Respublikasının 2018-ci il 31 m...

10 iyul 2020, 23:47
SƏNƏDLƏRFərmanlar10 iyul 2020
23:45
“Azərbaycan Respublikasının Əmək Məcəlləsində, Torpaq Məcəlləsində, Mülki Məcəlləsində, Mülki Prosessual Məcəlləsində, Ailə Məcəlləsində, Cinayət Məcəlləsində, Vergi Məcəlləsində, Cinayət-Prosessual Məcəlləsində, Cəzaların İcrası Məcəlləsində, Seçki Məcəlləsində, Mənzil Məcəlləsində, Gömrük Məcəlləsində, Şəhərsalma və Tikinti Məcəlləsində və Miqrasiya Məcəlləsində dəyişiklik edilməsi haqqında” Azərbaycan Respublikasının 2020-ci il 19 may tarixli 114-VIQD nömrəli Qanununun tətbiqi və Azərbaycan Respublikası Prezidentinin “Azərbaycan Respublikası Seçki Məcəlləsinin tətbiq edilməsi barədə” 2003-cü il 3 iyun tarixli 875 nömrəli və “Azərbaycan Respublikasının Mənzil Məcəlləsində dəyişikliklər edilməsi haqqında” Azərbaycan Respublikasının 2011-ci il 15 noyabr tarixli 253-IVQD nömrəli Qanununun tətbiqi barədə” 2011-ci il 22 dekabr tarixli 550 nömrəli fərmanlarında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Azərbaycan Respublikasının Əmək Məcəlləsində, Torpaq Məcəlləsində, Mülki Məcəlləsində, Mülki Prosessual Məcəlləsində, Ailə Məc...

10 iyul 2020, 23:45
SƏNƏDLƏRQanunlar10 iyul 2020
23:44
Azərbaycan Respublikasının Əmək Məcəlləsində, Torpaq Məcəlləsində, Mülki Məcəlləsində, Mülki Prosessual Məcəlləsində, Ailə Məcəlləsində, Cinayət Məcəlləsində, Vergi Məcəlləsində, Cinayət-Prosessual Məcəlləsində, Cəzaların İcrası Məcəlləsində, Seçki Məcəlləsində, Mənzil Məcəlləsində, Gömrük Məcəlləsində, Şəhərsalma və Tikinti Məcəlləsində və Miqrasiya Məcəlləsində dəyişiklik edilməsi haqqında Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 1-ci bəndini rəhbər tutaraq, “Əlilliyi olan şəxslərin hüquqları haqqında” Azərbaycan Respublikası Qanununun icrası i...

10 iyul 2020, 23:44
SƏNƏDLƏRQanunlar10 iyul 2020
23:43
Azərbaycan Respublikasının 1996-cı il 17 may tarixli 74-IQ nömrəli Qanunu ilə təsdiq edilmiş “Azərbaycan Respublikası Milli Məclisinin Daxili Nizamnaməsi”ndə dəyişiklik edilməsi barədə Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Kontitusiyasının 92-ci maddəsini, 94-cü maddəsinin I hissəsinin 7-ci bəndini və 95-ci maddəsinin I hissəsinin 1-ci bəndini rəhbər tutaraq qərara alır:

...

10 iyul 2020, 23:43