Allahverən Babayevdən, Masallı, Azərbaycan

Hörmətli cənab Prezident.

Doğma vətənimiz Azərbaycanın tərəqqisinə, regionların sosial-iqtisadi inkişafına, sakini olduğum Masallı rayonuna göstərdiyiniz qayğıya görə Sizə təşəkkürümü bildirirəm.

Masallıda Sənaye Məhəlləsinin, çəltik emalı müəssisəsinin yaradılması, habelə 25-dən çox yaşayış məntəqəsini birləşdirən yolların çəkilməsi Sizin rayonumuzun əhalisinə göstərdiyiniz diqqətin bariz nümunələridir. Rayonumuzda açılan yeni iş yerləri əhalimizin maddi rifah halının daha da yaxşılaşmasına gətirib çıxarıb.

Möhtərəm cənab Prezident, Azərbaycanın inkişafı və bütün dünyada tanınması istiqamətində apardığınız böyük işlərdə Sizə müvəffəqiyyətlər arzulayıram.

Bədəlan kənd sakinləri adından dərin hörmətlə,

Babayev Allahverən Qurban oğlu.

Azərbaycan Respublikası, Masallı rayonu.