Birləşmiş Nüvə Tədqiqatları İnstitutunun direktoru, Rusiya Elmlər Akademiyasının akademiki Viktor Matveyevdən

10 may 2018, 10:35

Azərbaycan Respublikasının Prezidenti Zati-aliləri cənab İlham Əliyevə

Çox hörmətli İlham Heydər oğlu.

İcazə verin, Sizi yenidən Azərbaycan Respublikasının Prezidenti seçilməyiniz münasibətilə Birləşmiş Nüvə Tədqiqatları İnstitutunun (BNTİ) rəhbərliyi və beynəlxalq tərkibli kollektivi adından səmimi qəlbdən təbrik edim.

Prezident seçkilərində Sizin inamlı qələbəniz ölkə iqtisadiyyatının, milli elmin və beynəlxalq əlaqələrin innovasiya yönümlü inkişafı kursunuza ümumxalq dəstəyinin parlaq sübutudur.

Məmnuniyyətlə qeyd edirəm ki, Azərbaycan alimləri BNTİ çərçivəsində fundamental və tətbiqi fizika sahəsində aparılan tədqiqatlarda fəal iştirak edirlər. Azərbaycanın tədqiqat mərkəzləri ilə bizim institut arasında əməkdaşlıq uğurla həyata keçirilir.

Ümidvaram ki, Azərbaycan alimləri və BNTİ arasında səmərəli qarşılıqlı fəaliyyət nəticəsində əldə olunmuş təcrübə daha da genişlənəcəkdir.

Çox hörmətli İlham Heydər oğlu, Sizə möhkəm cansağlığı və yeni-yeni uğurlar, Azərbaycan Respublikasının xalqına isə sülh, firavanlıq və tərəqqi arzu edirəm.

Dərin və səmimi hörmətlə,

Viktor Matveyev

Birləşmiş Nüvə Tədqiqatları İnstitutunun direktoru,

Rusiya Elmlər Akademiyasının akademiki

SƏNƏDLƏRSərəncamlar14 avqust 2018
17:55
Füzuli rayonunun Hacıqabul–Bəhrəmtəpə–Mincivan magistralını Əhmədalılar, Kərimbəyli, Aşağı Yağlıvənd, Araz Zərgər kəndləri ilə birləşdirən avtomobil yollarının tikintisi ilə bağlı tədbirlər haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. On beş min nəfər əhalinin yaşadığı 4 yaşayış məntəqəsini birləşdirən Hacıqabul–Bəhrəmtəpə–Mincivan magistralı...

14 avqust 2018, 17:55