logo

Azərbaycan Prezidentinin Rəsmi internet səhifəsi

Almaniya Federativ Respublikasının Federal Kansleri Angela Merkeldən

Text size icon-size icon-size

25 oktyabr 2013, 13:20

Hörmətli cənab Prezident,

Yenidən Azərbaycan Respublikasının Prezidenti seçilməyiniz münasibətilə Sizi səmimi qəlbdən təbrik edirəm.

Ölkələrimiz arasında ikitərəfli xoş münasibətlərin gələcək inkişafına böyük nikbinliklə baxıram. Əminəm ki, Azərbaycan “Şərq tərəfdaşlığı” çərçivəsində Avropa İttifaqı ilə sıx əməkdaşlığın potensialından tam istifadə edəcəkdir.

Ölkənizin inkişafına, xüsusilə hüquqi dövlət və demokratik cəmiyyət quruculuğuna yönəlmiş siyasətinizi qətiyyətlə davam etdirmək işində Sizə uğurlar diləyirəm.

Almaniya indiyədək olduğu kimi, Azərbaycanı bu yolda etibarlı tərəfdaş kimi dəstəkləməyə hazırdır.

Ali dövləti vəzifənizdə Sizə uğurlar diləyirəm.

Hörmətlə,

Angela Merkel
Almaniya Federativ Respublikasının Federal Kansleri

www.president.az

Azərbaycan Prezidentinin Rəsmi internet səhifəsi